రోజురోజుకు అభిమానం పేరుతో అభిమానులు చేసే వికృత చేష్టలు భయాందోళనలకు గురి చేస్తున్నాయి. పవన్ అంటే పూనకం వచ్చినట్టు ఊగే అభిమానులు కొందరు అనవసరంగా తమ ప్రాణాలు కోల్పోతున్నారు. తాజాగా ఓ అభిమాని చేసిన పని నెటిజన్స్కు తెగ కోపం తెప్పిస్తుంది. సినిమా ప్రసారం అవుతున్న సమయంలో ఆనందం తట్టుకోలేక ఓ అభిమాని తన చేతిని కోసుకొని తెరపై రక్తంతో పీఎస్పీకే అని రాసాడు. ఇందుకు సంబంధించిన వీడియో సోషల్ మీడియాలో వైరల్గా మారింది.
తెర ముందు అభిమాని ఇలాంటి దుశ్చర్య చేయడం జనాలను విస్తుపోయేలా చేసింది. ఈ సంఘటన ఎక్కడ జరిగింది, ఆ వ్యక్తి ఎవరనే దానిపై క్లారిటీ రావలసి ఉంది. అయితే ఇలా తన కోసం చేతులు కోసుకునే లేదా కాల్చుకునే అభిమానాన్ని పవన్ కాదు ఏ హీరో కూడా హర్షించరు. అభిమానం పేరుతో సేవా కార్యక్రమాలు చేస్తూ నలుగురికి అండగా ఉండాలే తప్ప ఇలాంటి ప్రతికూల చర్యలు చేయకూడదు అని హీరోలు హెచ్చరిస్తున్నారు.