సోమవారం 21 సెప్టెంబర్ 2020
Telangana - Sep 12, 2020 , 19:03:21

వరంగల్ నగర సమగ్ర అభివృద్ధికి బృహత్తర కార్యాచరణ : బోయినపల్లి వినోద్ కుమార్

వరంగల్ నగర సమగ్ర అభివృద్ధికి బృహత్తర కార్యాచరణ : బోయినపల్లి వినోద్ కుమార్

వరంగల్ అర్బన్ : వరంగల్ నగర సమగ్ర అభివృద్ధికి తెలంగాణ ప్రభుత్వం చిత్తశుద్ధితో , సమగ్ర కార్యాచరణ తో కృషి చేస్తోందని రాష్ట్ర ప్రణాళికా సంఘం వైస్ చైర్మన్ బోయినపల్లి వినోద్ కుమార్ తెలిపారు. శనివారం వరంగల్ పశ్చిమ అసెంబ్లీ నియోజకవర్గ  డివిజన్ల కార్పొరేటర్లు , టిఆర్ఎస్ పార్టీ డివిజన్ అధ్యక్షులు , ఇతర ముఖ్య నాయకులతో స్థానిక ఎమ్మెల్యే, ప్రభుత్వ చీఫ్ విప్ దాస్యం వినయ్ భాస్కర్ తో కలిసి వినోద్ కుమార్ విస్తృత స్థాయి సమావేశం నిర్వహించారు. ఈ సందర్భంగా వినోద్ కుమార్ మాట్లాడుతూ.. తెలంగాణ రాష్ట్ర ప్రభుత్వం ఇటీవల శాసనసభలో ప్రవేశ పెట్టిన రెవెన్యూ చట్టం , ఇతర బిల్లుల గురించి పార్టీ నాయకులకు కూలంకషంగా వివరించారు. 

రెవెన్యూ చట్టం ద్వారా దశాబ్దాల నుంచి ఉన్న భూ తగాదాలు , వివాదాలకు శాశ్వత పరిష్కారం జరుగుతుందని చెప్పారు. త్వరలో రానున్న పట్టభద్రుల నియోజకవర్గ ( నల్గొండ , ఖమ్మం , వరంగల్ ) ఎమ్మెల్సీ ఎన్నికల కార్యాచరణ గురించి  చర్చించారు. కార్యకర్తల దృఢ సంకల్పంతో క్రమశిక్షణతో గెలుపే ధ్యేయంగా పని చేయాలని పిలుపునిచ్చారు. నగర ప్రాంతాలలో ఉన్న భూ వివాదాలను పరిష్కరించడానికి ప్రభుత్వం పటిష్ట కార్యాచరణ ప్రణాళికను రూపొందిస్తోందని తెలిపారు. ఈ కార్యక్రమంలో రైతు రుణ విమోచన సమితి చైర్మన్ నాగూర్ల వెంకన్న, కాకతీయ అర్బన్ డెవలప్మెంట్ అథారిటీ చైర్మన్ మర్రి యాదవ రెడ్డి, వరంగల్ నగర పాలక సంస్థ డిప్యూటి మేయర్ ఖాజా సిరాజొద్ధిన్, కార్పొరేటర్లు, డివిజన్ అధ్యక్షులు, స్థానిక నాయకులు పాల్గొన్నారు.



logo