పవర్ స్టార్ పవన్ కళ్యాణ్ రీఎంట్రీ చిత్రం వకీల్ సాబ్ ఏప్రిల్ 9న థియేటర్స్లోకి వచ్చిన సంగతి తెలిసిందే. ఈ సినిమా ప్రతి ఒక్కరిని అలరించడంతో పాటు విమర్శకుల ప్రశంసలు అందుకుంది. తొలి వారంలో ప్రేక్షకులు థియేటర్స్కు బారులు తీరారు. కాని రెండో వారం వచ్చే సరికి పరిస్థితులు పూర్తిగా మారాయి. కరోనా సెకండ్ వేవ్ ఉదృతంగా ఉండడంతో థియేటర్స్కు వెళ్లే వారి సంఖ్య కరువైంది. ఈ శుక్ర, శని వారాలలో తెలుగు రాష్ట్రాలలో కలెక్షన్స్ భారీగా పడిపోయినట్టు తెలుస్తుంది.
స్టార్ హీరో చిత్రం అందులోను హిట్ టాక్ దక్కించుకుంది అయినప్పటికీ థియేటర్స్కు జనాలు రావడం తగ్గింది. ఈ పరిస్థితులు చూస్తుంటే రానున్న రోజులలో విడుదల కానున్న చిన్న సినిమాల పరిస్థితి ఏంటనేది అందరిలో అనేక అనుమానాలు కలిగిస్తున్నాయి. కాగా, వకీల్ సాబ్ చిత్రాన్ని వేణు శ్రీరామ్ తెరకెక్కించగా ఇందులో శృతి హాసన్, అంజలి, నివేదా థామస్, అనన్య ముఖ్య పాత్రలు పోషించారు. దిల్ రాజు, బోనీ కపూర్ సంయుక్తంగా ఈ చిత్రాన్ని నిర్మించారు.