సోమవారం 23 నవంబర్ 2020
Telangana - Nov 12, 2020 , 09:49:27

కాంప్యాక్టర్‌ వాహనాలను ప్రారంభించనున్న కేటీఆర్‌

కాంప్యాక్టర్‌ వాహనాలను ప్రారంభించనున్న కేటీఆర్‌

హైదరాబాద్‌ : భవన నిర్మాణ వ్యర్థాలను తరలించే ఆధునిక కాంప్యాక్టర్‌ వాహనాలను రాష్ట్ర ఐటీ, పురపాలకశాఖ మంత్రి కేటీఆర్‌ ప్రారంభించనున్నారు. నెక్లెస్‌ రోడ్డులోని ఐమ్యాక్స్‌ వద్ద ఉదయం వాహనాలను, సంజీవయ్యపార్కు వద్ద ఆధునిక చెత్త ట్రాన్స్‌ఫర్‌ స్టేషన్‌ను ప్రారంభిస్తారు. కాంప్యాక్టర్‌ వాహనాల ద్వారా భవన నిర్మాణాల వ్యర్థాలను తరలించనున్నారు. ఇందు కోసం జీహెచ్‌ఎంసీ 50 వాహనాలను ఏర్పాటు చేస్తోంది. ఒక్కో వాహన సామర్థ్యం 20 క్యూబిక్‌ మీటర్లు కాగా, అందులో 15 మెట్రిక్‌ టన్నుల వ్యర్థాలను తరలించవచ్చు. సాలిడ్‌ వేస్ట్‌ మేనేజ్‌మెంట్‌ నిబంధనల ప్రకారం వ్యర్థాలను పూర్తిగా కప్పి ఉన్న వాహనంలోనే తరలించాలి. ట్రాన్స్‌ఫర్‌ స్టేషన్ల వద్ద సైతం చెత్త కనిపించకుండా తగిన ఏర్పాట్లు చేయాలి. ఈ నేపథ్యంలో జీహెచ్‌ఎంసీ అధికారులు, సాలిడ్‌ వేస్ట్‌ మేనేజ్‌మెంట్‌ కాంట్రాక్టు సంస్థ రాంకీ ఎన్వీరో సంయుక్తంగా పలు ఆధునిక విధానాలను చేపడుతున్నారు. ఈ క్రమంలోనే తాజాగా ఆధునిక కాంప్యాక్టర్‌ వాహనాలు, చెత్త ట్రాన్స్‌ఫర్‌ స్టేషన్‌ను అందుబాటులోకి తెస్తున్నారు. 



లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.