బుధవారం 20 జనవరి 2021
Telangana - Nov 23, 2020 , 22:01:39

ఆరేళ్లలో తెలంగాణకు బీజేపీ చేసింది సున్నా: మంత్రి కేటీఆర్‌

ఆరేళ్లలో తెలంగాణకు బీజేపీ చేసింది సున్నా: మంత్రి కేటీఆర్‌

హైదరాబాద్‌: గత ఐదేండ్లలో ఏం చేసినమో చెప్పే బాధ్యత మాపై ఉన్నదని మంత్రి కేటీఆర్‌ అన్నారు.  చైతన్యపురి డివిజన్‌లో రూ.150 కోట్లతో అభివృద్ధి కార్యక్రమాలు జరిగాయని చెప్పారు. హైదరాబాద్‌ అభివృద్ధిపై ప్రగతి నివేదికను విడుదల చేశానని తెలిపారు.   జీహెచ్‌ఎంసీ ఎన్నికల ప్రచారంలో భాగంగా   పీ &టీ కాలనీలో కేటీఆర్‌ రోడ్‌షో నిర్వహించారు. 

'గండిపేటకు రెట్టింపు స్థాయిలో కేశవాపురం రిజర్వాయర్‌ నిర్మాణం చేపట్టాం. 2050 వరకు హైదరాబాద్‌కు మంచినీటి కష్టాలు ఉండవు.  హైదరాబాద్‌లో 5 లక్షల సీసీ కెమెరాలు ఏర్పాటు చేశాం. ఈ ఆరేళ్లలో బీజేపీ హైదరాబాద్‌కు ఒక్కపైసా ఇవ్వలేదు. సీఎం కేసీఆర్‌ నాయకత్వానికి మద్దతు పలకాలి.  టీఆర్‌ఎస్‌ అభ్యర్థులను భారీ మెజార్టీతో గెలిపించాలి.  24 గంటల పాటు నాణ్యమైన విద్యుత్‌ ఇస్తున్నాం.  వరద సమయంలో మేం అండగా ఉన్నాం.  ఆరున్నర లక్షల మందికి రూ.650 కోట్ల వరద సాయం చేశాం.   టీఆర్‌ఎస్‌ పేదల పక్షపాత ప్రభుత్వం.' అని కేటీఆర్‌ పేర్కొన్నారు. 


logo