లగేజీ ట్రాలీకి బంగారు ఫ్రేమ్‌

• స్మగ్లర్‌ను అదుపులోకి తీసుకున్న కస్టమ్స్‌ అధికారులు
  

హైదరాబాద్‌, నమస్తే తెలంగాణ: స్మగ్లర్లు బంగారం రవాణాకు కొత్త కొత్త మార్గాలను ఎంచుకుంటుంటే.. కస్టమ్స్‌ అధికారులు వాటిని చిత్తు చేస్తున్నారు. దుబాయ్‌ నుంచి హైదరాబాద్‌కు బంగారాన్ని అక్రమంగా రవాణా చేస్తున్నాడన్న పక్కా సమాచారం మేరకు హైదరాబాద్‌ కస్టమ్స్‌ అధికారులు ఓ ప్రయాణికుడిని అదుపులోకి తీసుకున్నారు. అతడు లగేజీ తీసుకొచ్చిన ట్రాలీని పరిశీలించగా.. బంగారానికి వెండిపూత పూసి ఆ ట్రాలీ ఫ్రేమ్‌గా అమర్చినట్టు గుర్తించారు. 340.16 గ్రాముల బరువున్న 22 క్యారెట్ల బంగారాన్ని స్వాధీనం చేసుకున్నారు. దీనివిలువ సుమారు రూ.17.48 లక్షలు ఉంటుందని అధికారులు తెలిపారు.