నాన్న అంటే ఏ కూతురికైనా ప్రాణమే ! తండ్రి కష్టపడుతుంటే ఏ కూతురు చూడలేదు !! అందుకే నాన్న కూచిగా తండ్రి దగ్గర గారాబాలు పోవడమే కాదు.. అవసరమొచ్చినప్పుడు చేదోడువాదోడుగానూ నిలుస్తోంది. తండ్రి పొలం పనులు చేస్తుంటే.. నాన్నకు తోడుగా భుజానికి పంప్ వేసుకుని పంటకు పిచికారీ చేస్తున్న ఈ అమ్మాయిని చూస్తే.. ఈ మాట అక్షరాల నిజమని ఒప్పుకుంటారు. వరంగల్ రూరల్ జిల్లా పర్వతగిరి మండలం భట్టుతండాకు చెందిన ఈ అమ్మాయి పేరు దివ్య. ఎనిమిదో తరగతి చదువుతోంది. లాక్డౌన్ కారణంగా పాఠశాలలు మూతపడటంతో తండ్రికి అండగా నిలబడింది. మగ పిల్లల కంటే నేనేమీ తక్కువ కాదంటూ.. పొలం పనులతో కష్టపడుతున్న తండ్రికి చేదోడువాదోడుగా మారింది.
– స్టాఫ్ ఫొటోగ్రాఫర్, వరంగల్
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి