గురువారం 22 అక్టోబర్ 2020
Telangana - Oct 01, 2020 , 18:19:39

పట్టభద్రులు ఓటర్ గా నమోదు చేసుకోవాలి : వినోద్ కుమార్

పట్టభద్రులు ఓటర్ గా నమోదు చేసుకోవాలి : వినోద్ కుమార్

హైదరాబాద్ : ఎమ్మెల్సీ ఎన్నికల నేపథ్యంలో రాష్ట్ర ఎన్నికల సంఘం నిబంధనల మేరకు ప్రతి పట్టభద్రుడు ఓటర్ గా తన పేరును నమోదు చేసుకోవాలని.. రాష్ట్ర ప్రణాళికా సంఘం వైస్ చైర్మన్ బోయినపల్లి వినోద్ కుమార్ పిలుపునిచ్చారు. గురువారం మంత్రుల అధికార నివాసంలో టీఆర్ఎస్ లీగల్ సెల్ ప్రతినిధులు వినోద్ కుమార్ తో సమావేశమయ్యారు. రానున్న ఎమ్మెల్సీ ఎన్నికల్లో పట్టభద్రుల ఓటరు నమోదు అంశంపై చర్చించారు. ఈ సందర్భంగా వినోద్ కుమార్ మాట్లాడుతూ.. ప్రతి పట్టభద్రుడు ఎమ్మెల్సీ ఎన్నికల్లో ఓటు వేసేందుకు ఓటర్ గా తమ పేర్లను నమోదు చేసుకోవాలని సూచించారు.

ఓటర్ గా పేరు నమోదు చేసుకునే విధంగా టీఆర్ఎస్ లీగల్ సెల్ ఆధ్వర్యంలో పట్టభద్రుల్లో అవగాహన కల్పించాలని ఆయన సూచించారు. ముఖ్యంగా న్యాయవాదులు ఓటర్లుగా పేరు నమోదు చేసుకునేలా కృషి చేయాలని టీఆర్ఎస్ లీగల్ సెల్ ప్రతినిధులకు సూచించారు. పట్టభద్రుల ఎమ్మెల్సీ ఎన్నికల్లో టీఆర్ఎస్ అభ్యర్థులు భారీ మెజార్టీతో గెలుపొందేలా ప్రతి ఒక్కరూ కృషి చేయాలని వినోద్ కుమార్ కోరారు. కార్యక్రమంలో టీఆర్ఎస్ లీగల్ సెల్ ప్రతినిధులు కళ్యాణ్ రావు, మల్లేష్, రాము, చంద్రశేఖర్ రావు, మురళీధర్, లలితా రెడ్డి, రంజితా రెడ్డి, తదితరులు ఉన్నారు.


logo