వాషింగ్ టన్,జూలై:అమెరికా కోర్టు మోటార్ వెహికల్స్ డీలర్కు ఐదేండ్ల జైలు శిక్ష విధించడంతో పాటు, ఏకంగా 4 మిలియన్ డాలర్ల జరిమానా విధించారు. ఇంతకీ అమెరికన్ కోర్ట్ ఎందుకు ఈ డీలర్ కు భారీ జరిమానా తోపాటు,జైలు శిక్ష విధించింది. ఇంతకీ న్యాయస్థానం ఈ శిక్ష ఎందుకు విధించిందంటే..?
మోటార్ వెహికల్స్ డీలర్ ఓడో మీటర్ను ట్యాంపరింగ్ చేసిన నేరానికిగాను అతనికి ఐదేండ్ల జైలుశిక్షతోపాటు 4మిలియన్ డాలర్ల జరిమానా విధించింది అమెరికా కోర్టు. ఈ సెకండ్ హ్యాండ్ కార్ వ్యాపారంలో ఎక్కువ లాభాలు ఆర్జించడానికి, ఆతను తక్కువ కిలోమీటర్లు ప్రయాణించినట్లు చూపించే ఓడోమీటర్ పాత కార్లకు అమర్చేవాడు. అంతే కాదు వీటికి సంబంధించిన నకిలీ డాక్యుమెంట్స్ సృష్టించి సెకండ్ హ్యాండ్ కార్స్ అమ్మేవారు.
కష్టమర్లను మోసంచేసికార్లను అమ్మిన కారణంగా అమెరికా కోర్టు ఈ డీలర్కు శిక్ష విధించింది. ఈ వ్యవహారంలో ఇద్దరు సోదరులు దాదాపు 690 వాహనాలను మోసం చేసి విక్రయించారు. వారు 2006 నుంచి 2011 వరకు ఇలాంటి మోసాలకు పాల్పడుతున్నట్లు వెలుగులోకి వచ్చింది. ప్రస్తుతం ఈ కేసులో ఇద్దరూ జైల్లో శిక్ష అనుభవిస్తున్నారు. ప్రపంచవ్యాప్తంగా చాలామంది సెకండ్ హ్యాండ్ అమ్మకందారులు ఇలాంటిమోసాలకుపాల్పడుతున్నారు. దీనికి సంబంధించిన సంఘటనలు ఎన్నోసార్లు వెలుగులోకి వచ్చాయి.