గురువారం 28 జనవరి 2021
Telangana - Dec 02, 2020 , 20:15:17

‘గ్రామాల అభివృద్ధికి ప్రభుత్వం ప్రాధాన్యం’

‘గ్రామాల అభివృద్ధికి ప్రభుత్వం ప్రాధాన్యం’

జగిత్యాల : గ్రామాల అభివృద్ధికి తెలంగాణ ప్రభుత్వం ఎనలేని ప్రాధాన్యం ఇస్తున్నదని, దేశానికి పట్టుగొమ్మలు పల్లెలే అన్న సిద్ధాంతాన్ని నమ్మి సీఎం కేసీఆర్ అభివృద్ధికి భారీగా నిధులు వెచ్చిస్తున్నారని సంక్షేమశాఖల మంత్రి కొప్పుల ఈశ్వర్‌ పేర్కొన్నారు. జగిత్యాల జిల్లా పెగడపల్లి మండల పరిషత్ సర్వసభ్య సమావేశానికి ఆయన ముఖ్య అతిథిగా హాజరైన మాట్లాడారు. సీఎం కేసీఆర్‌ పల్లెల అభివృద్ధికి పక్కా ప్రణాళిక, కార్యాచరణతో ముందుకు సాగుతుండటంతో గ్రామాల రూపురేఖలు మారిపోయి. పల్లె ప్రగతి కార్యక్రమం అమలుతో గ్రామాల్లో మౌలిక సదుపాయాల కల్పనకు ప్రాధాన్యం పెరిగింది. కులవృత్తులకు జీవం పోసిన ఘనత తెలంగాణ ప్రభుత్వానిదే.

రాష్ట్రంలో కరెంట్ కష్టాలను తీర్చింది తెలంగాణ ప్రభుత్వమేనని మంత్రి గుర్తుచేశారు. సాగునీటి ప్రాజెక్టులకు ప్రాధాన్యం ఇవ్వడంతో బీడు భూములు సస్యశ్యామలంగా మారి రైతులు సంతోషంగా ఉన్నారన్నారు. నర్సరీలు, హరితహారం, ప్రకృతి వనాల ఏర్పాటుతో గ్రామాలు పచ్చగా కళకళలాడుతున్నాయని చెప్పారు. సీసీరోడ్లు, మరుగుదొడ్లు, డ్రైనేజీలు, వైకుంఠధామాల నిర్మాణంతో కొత్తకాంతిని సంతరించుకున్నాయని పేర్కొన్నారు. అనంతరం 23మంది లబ్ధిదారులకు కల్యాణలక్ష్మి చెక్కులను మంత్రి అందజేశారు. సమావేశంలో జెడ్పీ ఛైర్‌పర్సన్ దావ వసంత, ఎంపీపీ గోలి శోభా సురేందర్‌ రెడ్డి, జడ్పీటీసీ రాజేందర్, సర్పంచ్‌లు, ఎంపీటీసీలు పాల్గొన్నారు.

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo