ఆదివారం 24 జనవరి 2021
Telangana - Jan 09, 2021 , 12:39:21

ఆర్మూర్‌లో పసుపు రైతుల నిరసన.. ఎంపీకి వ్యతిరేకంగా నినాదాలు

ఆర్మూర్‌లో పసుపు రైతుల నిరసన.. ఎంపీకి వ్యతిరేకంగా నినాదాలు

అర్మూర్‌ : పట్టణ శివారులోని 44వ జాతీయ రహదారిపై శనివారం పసుపు రైతులు ఆందోళన నిర్వహించారు. ఈ సందర్భంగా నిజామాబాద్‌ ఎంపీ ధర్మపురి అరవింద్‌కు వ్యతిరేకంగా రైతులు నినదించారు.  పసుపు బోర్డు ఏర్పాటు చేయాలని, పంటకు కనీమ మద్దతు ధర కల్పించాలని డిమాండ్‌ చేస్తూ ఫస్ట్ ఐక్య కార్యాచరణ సమితి ఆధ్వర్యంలో రైతులు ఆందోళన బాట పట్టారు. పార్లమెంట్‌ ఎన్నికల్లో పసుపు బోర్డు తీసుకువస్తామని చెప్పి.. గెలిచిన తర్వాత ఎంపీ ముఖం చేశారంటూ ఆగ్రహం వ్యక్తం చేశారు. ఎంపీ పదవికి వెంటనే రాజీనామా చేసి, రైతులతో కలిసి ఆందోళనల్లో పాల్గొనాలన్నారు. పసుపు మద్దతు ధర కల్పించే వరకూ పోరాటం ఆపేది లేదని స్పష్టం చేశారు. దశలవారీగా ఉద్యమం కొనసాగుతూనే ఉంటుందని స్పష్టం చేశారు. రైతుల ఆందోళనతో జాతీయ రహదారిపై భారీగా ట్రాఫిక్‌ నిలిచిపోయింది. సమాచారం అందుకున్న పోలీసులు నిరసన ప్రాంతానికి చేరుకొని.. వాహనాలను ఇతర ప్రాంతాల నుంచి మళ్లిస్తున్నారు. ఇదిలా ఉండగా.. పసుపు రైతులకు ప్రొఫెసర్‌ నాగేశ్వర్‌ మద్దతు ప్రకటించి, ఆందోళనలో పాల్గొన్నారు.



logo