e-Paper

Advertisement

E-Paper

Apps

Book Your Copy

Visit Telangana Today

Wednesday, October 20, 2021
Home టాప్ స్టోరీస్ ‘ధరణి’ చిక్కుల పరిష్కారం దిశగా!

‘ధరణి’ చిక్కుల పరిష్కారం దిశగా!

  • సబ్‌కమిటీ ఏర్పాటుతో రైతుల్లో సంతోషం
  • కష్టాలు తొలగుతాయని ఆశాభావం

హైదరాబాద్‌, సెప్టెంబర్‌ 16 (నమస్తే తెలంగాణ): ధరణి పోర్టల్‌లో ఎదురవుతున్న సమస్యలను పరిష్కరించేందుకు ప్రభుత్వం మంత్రుల ఉపసంఘాన్ని ఏర్పాటుచేయడంతో రైతులు సంతోషం వ్యక్తం చేస్తున్నారు. ధరణిలో ఉన్న మా డ్యూల్స్‌ ద్వారా ప్రజలకు 50 రకాల సేవలు అందుతున్నాయి. ఒక్క గ్రీవెన్స్‌ రిలేటింగ్‌ టు స్పెసిఫిక్‌ ల్యాండ్‌ మ్యాటర్స్‌ అనే మాడ్యూల్‌లో ఏకంగా 10 రకాల ఆప్షన్లు అందుబాటులోకి వచ్చాయి. కానీ ధరణిలో ఇప్పటికీ కొన్ని సమస్యలు వేధిస్తున్నాయి. కొందరు రైతులకు ఇబ్బందులు తప్పడంలేదు. ప్రస్తుతం పోర్టల్‌లో 90 శాతానికిపైగా భూముల రికార్డులు క్లియర్‌గా ఉన్నాయని అధికారవర్గాలు చెప్తున్నాయి. మిగతా భూముల్లో చాలావరకు ఒక్కో సర్వేనంబర్‌కు ఒక్కో సమస్య ఉన్నది. వీటిపై మంత్రివర్గ ఉపసంఘం అధ్యయనం చేసి పరిష్కారం చూపుతుందని రైతులు ఆశిస్తున్నారు.

ధరణిలో కొన్ని ప్రధాన సమస్యలు

  • కొన్ని సర్వే నంబర్లు సవ్యంగా ఉన్న జాబితాలోగానీ, ప్రొహిబిటెడ్‌ లిస్ట్‌లో గానీ కనిపించడం లేదు.
  • కొన్ని చోట్ల కొత్త పాస్‌బుక్‌కు, ధరణిలో ఉన్న విస్తీర్ణానికి మధ్య తేడాలు కనిపించాయి.
  • మాజీ సైనికులు, స్వాతంత్య్ర సమరయోధులకు ఇచ్చిన భూములు ప్రొహిబిటెడ్‌ లిస్ట్‌లో ఉన్నాయి.
  • రైతు తన భూమికి ఆధార్‌ అనుసంధానం కాకముందే చనిపోయి ఉంటే ధరణిలో రికార్డు కాలేదు.
  • అసైన్డ్‌ భూముల విరాసత్‌కు అవకాశం ఇచ్చినా.. సాఫ్ట్‌వేర్‌లో సమస్యల వల్ల హక్కుల మార్పిడి జరుగడం లేదు.
  • ఆధార్‌ సీడింగ్‌ వేళ కొన్నిసార్లు పొరపాట్ల వల్ల లింక్‌ డాక్యుమెంట్లలో భార్య పేరు, ధరణిలో భర్తపేరు కనిపిస్తున్నాయి.
  • పేర్లు ఒకేలా ఉండటం వల్ల లేదా అధికారుల తప్పిదం వల్ల ఒక రైతుకు చెందిన భూమి మరొకరి ఖాతాలో జమ అయ్యింది. వాటిని పరిష్కరించే అవకాశం లేదు.
  • కుటుంబ యజమాని తన భూమిని ఒకరి కంటే ఎక్కువ మందికి గిఫ్ట్‌గా ఇవ్వాలనుకుంటే ఒకే డాక్యుమెంట్‌మీద ఇచ్చే అవకాశం లేదు.
  • ఒక సర్వేనంబర్‌లోని కొంత భూమిపై ఏదైనా న్యాయ వివాదం ఉంటే.. ఆ సర్వేనంబర్‌ మొత్తాన్ని నిషేధిత జాబితాలో ఉంచారు.
  • కాలువల కోసం ప్రభుత్వం కొంత భూమిని సేకరిస్తే.. ఆ సర్వేనంబర్‌ మొత్తాన్నీ నిషేధిత జాబితాలో చేర్చారు.
  • భూసేకరణలో భూమిని కోల్పోని రైతుల సర్వే నంబర్లు కూడా కొందరు అధికారుల తప్పిదం వల్ల నిషేధిత జాబితాలో చేరాయి.
  • భూమి విస్తీర్ణం రికార్డుల్లో తక్కువగా నమోదైతే దరఖాస్తు చేసుకునేందుకు అవకాశం లేదు.
  • కొన్ని సర్వే నంబర్లలో ప్రభుత్వంతోపాటు ప్రైవేట్‌ వ్యక్తులకు చెందని భూమిని గతంలో గుర్తించారు. వీటిని 0, ఏదో ఒక అంకె, శ్రీ, ఊర్లోలేరు.. ఇలా రికార్డ్‌ చేశారు.
  • భూ రికార్డుల ప్రక్షాళన సమయంలో పట్టాదారుగానీ, కబ్జాదారుగానీ హాజరుకాకుంటే కొన్నిచోట్ల ‘మిగులు భూములు’గా గుర్తించారు. ఇప్పుడు రైతులు తమ భూములను ధరణిలో చేర్చాలంటూ తగిన ఆధారాలతో ఆఫీస్‌ల చుట్టూ తిరుగుతున్నారు.
- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement