గురువారం 29 అక్టోబర్ 2020
Telangana - Oct 02, 2020 , 07:58:35

శ్రీశైలం ప్రాజెక్టుకు స్థిరంగా ఇన్‌ఫ్లో

శ్రీశైలం ప్రాజెక్టుకు స్థిరంగా ఇన్‌ఫ్లో

నల్లగొండ : కృష్ణానదికి వరద ప్రవాహం స్థిరంగా కొనసాగుతోంది. శ్రీశైలం జలాశయానికి ఎగువ జూరాల నుంచి 1,61,365 క్యూసెక్కుల ఇన్‌ఫ్లో వస్తుండటంతో అధికారులు 9 క్రస్టుగేట్లను 10 అడుగుల మేర ఎత్తి 2,50,093 క్యూసెక్కులను దిగువ నాగార్జునసాగర్‌కు విడుదల చేస్తున్నారు. శ్రీశైలం జలాశయం పూర్తిస్థాయి నీటిమట్టం 885 అడుగులు (215.8070) టీఎంసీలు కాగా ప్రస్తుతం 884.30 అడుగులు (211.30) టీఎంసీలుగా ఉంది. కుడిగట్టు జలవిద్యుత్‌ కేంద్రం ద్వారా పూర్తిస్థాయి విద్యుదుత్పత్తి కొనసాగిస్తున్నారు. 

నాగార్జునసాగర్‌కు 2లక్షల క్యూసెక్కులకుపైగా..

నాగార్జున సాగర్‌కు ఎగువ నుంచి 2,08,796 క్యూసెక్కుల ఇన్‌ఫ్లో వస్తోంది. ఇప్పటికే ప్రాజెక్టు పూర్తిస్థాయిలో నిండటంతో అధికారులు 14 గేట్లను 10 అడుగుల మేర ఎత్తి స్పిల్‌ వే ద్వారా దిగువకు 2,08,796 క్యూసెక్కులు దిగువకు విడుదల చేస్తున్నారు. కుడికాల్వకు 8755 క్యూసెక్కులు, ఎడమ కాల్వకు 5725 క్యూసెక్కులు, ఎస్‌ఎల్‌బీసీకి 1200 క్యూసెక్కులు, లోలెవల్‌ కెనాల్‌కు 600 క్యూసెక్కులు, ప్రధాన విద్యుత్‌ కేంద్రం ద్వారా 28,623 క్యూసెక్కులు మొత్తం 253,699 క్యూసెక్కులు నదిలోకి వదులుతున్నారు. నాగార్జున సాగర్‌ ప్రాజెక్టు పూర్తిస్థాయి నీటినిల్వ సామర్థ్యం 590 అడుగులు(312.04) టీఎంసీలు కాగా ప్రస్తుతం 589.50 అడుగులు (310.55) టీఎంసీలుగా ఉంది. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.


logo