న్యూఢిల్లీ : విద్యుత్ షార్ట్సర్క్యూట్ కారణంగా ఢిల్లీలోని ఓ షాపింగ్ మాల్లో అగ్నిప్రమాదం సంభవించింది. అగ్నిమాపక సిబ్బంది సకాలంలో స్పందించడంతో పెను ప్రమాదం తప్పింది. నైరుతి ఢిల్లీ వసంత్ కుంజ్ ప్రాంతంలోని ఆంబియన్స్ షాపింగ్ మాల్ లెమన్ డ్రాప్ రెస్టారెంట్లో ఉదయం 12 గంటల సమయంలో ఏసీలో షార్ట్సర్క్యూట్ సంభవించి మంటలు వ్యాపించాయి. నిర్వాహకులు అగ్నిమాపక సిబ్బందికి సమాచారం ఇవ్వడంతో హుటాహుటిన ఘటనాస్థలానికి చేరుకొని మూడు గంటలపాటు శ్రమించి మంటలను అదుపు చేశారు. అగ్నిమాపక సిబ్బంది సకాలంలో స్పందించి ఉండకపోతే భారీగా ఆస్తి, ప్రాణనష్టం జరిగి ఉండేది.