బాలీవుడ్ సెలబ్రిటీ ఫొటోగ్రాఫర్ డబూ రత్నాని క్యాలెండర్లో చోటు సంపాదించుకోవాలని నాయకానాయికలందరూ కలలుకంటుంటారు. ఈ అరుదైన అవకాశాన్ని అగ్రకథానాయకుడు విజయ్దేవరకొండ సొంతం చేసుకున్నారు. దక్షిణాదిచిత్రసీమ నుంచి ఈ క్యాలెండర్లో చోటు సంపాదించుకున్న తొలి హీరోగా ఆయన నిలిచారు. విజయ్ దేవరకొండ పోస్టర్ను సోమవారం డబూ రత్నాని విడుదలచేశారు. ఈ ఫొటోలో ైస్టెలిష్ లుక్లో ఆయన కనిపిస్తున్నారు. ‘షారుఖ్ఖాన్తో పాటు ఎంతో మంది స్టార్స్ను డబూ రత్నాని క్యాలెండర్లో చూశా. ఎప్పటికైనా నేను ఈ క్యాలెండర్లో కనిపించాలని అనుకున్నా. ఆ కోరిక తీరడం ఆనందంగా ఉంది’ అని విజయ్ తెలిపారు. ఈ క్యాలెండర్లో బాలీవుడ్ హీరోలతో పాటు విజయ్ దేవరకొండ కనిపించబోతున్నారు. ప్రస్తుతం పూరి జగన్నాథ్ దర్శకత్వంలో ‘లైగర్’ చిత్రంలో నటిస్తున్నారు విజయ్ దేవరకొండ.