e-Paper

Advertisement

E-Paper

Apps

Book Your Copy

Visit Telangana Today

Wednesday, June 16, 2021
Home తెలంగాణ సఫాయి మిత్ర బరిలో ఏడు నగరాలు

సఫాయి మిత్ర బరిలో ఏడు నగరాలు

  • దేశవ్యాప్తంగా బరిలో 243 కార్పొరేషన్లు
  •  రూ.52 కోట్ల వరకు నగదు బహుమతి
సఫాయి మిత్ర బరిలో ఏడు నగరాలు

హైదరాబాద్‌, మార్చి 14 (నమస్తే తెలంగాణ): మురుగునీటి కాల్వలు (మ్యాన్‌హోల్స్‌), సెప్టిక్‌ ట్యాంకులను శుభ్రం చేసేందుకు మనుషులకు బదులుగా యంత్రాలను ప్రవేశపెట్టేందుకు కేంద్ర ప్రభుత్వం గత నవంబర్‌లో విసిరిన ‘సఫాయి మిత్ర సురక్ష చాలెంజ్‌-2021’లో దేశవ్యాప్తంగా 243 నగరాలు పాల్గొంటున్నాయి. తెలంగాణ నుంచి ఏడునగరాలు ఈ పోటీకి ఎంపికయ్యాయి. విషపూరితమైన మ్యాన్‌హోల్స్‌, సెప్టిక్‌ ట్యాంకులను శుభ్రంచేసే క్రమంలో విషవాయువులను పీల్చి కార్మికులు మృత్యువాత పడుతున్న నేపథ్యంలో ఈ ప్రక్రియలో యంత్రాలను ప్రవేశపెట్టాలని కేంద్రం సూచించింది. యాంత్రీకరణను చేపట్టి విజయవంతంగా అమలుచేస్తున్న నగరాలకు రూ.52 కోట్ల వరకు నగదు బహుమతిని ప్రకటించింది. రాష్ట్రం నుంచి హైదరాబాద్‌, వరంగల్‌, కరీంనగర్‌, నిజామాబాద్‌, రామగుండం, ఖమ్మం, నిజాంపేట్‌  పోటీపడుతున్నాయి. పారిశుద్ధ్య పనుల్లో ఉపయోగించేందుకు ఈ నగరాల కోసం పలు యంత్రపరికరాలను, వాహనాలను కొనుగోలు చేయనున్నారు. పోటీ పాల్గొంటున్న నగరాలలో వచ్చే ఏప్రిల్‌ చివరి నాటికి యాంత్రీకరణ పూర్తికావాలి. ఏప్రిల్‌ 20కల్లా డాక్యుమెంట్స్‌ ఆప్‌లోడ్‌ చేయాలి. మే 1 నుంచి జూన్‌ 30 వరకు విశ్లేషణ జరిపి, ఆగస్టు 15న ఫలితాలను ప్రకటిస్తారు.  రాష్ట్రంలోని పలు నగరాలు, పట్టణాలలో ఇప్పటికే ప్రభుత్వం భూగర్భ మురుగునీటి కాల్వలను, మ్యాన్‌హోల్స్‌ను, సెప్టిక్‌ ట్యాంకులను శుభ్రం చేసేందుకు యంత్రాలు, వాహనాలను వినియోగిస్తున్నది. 

పోటీలోని మన నగరాలు ఇవే… 

  • రాష్ట్రంలో 10లక్షల పైన జనాభా క్యాటగిరీలో హైదరాబాద్‌ ఎంపికైంది. ఈ విభాగంలో మొదటి స్థానానికి ఎంపికైతే రూ.12కోట్లు, రెండో స్థానానికి ఎంపికైతే రూ.10కోట్లు, మూడో స్థానంలో నిలిస్తే రూ.8కోట్లు అవార్డు ఇస్తారు. 
  • రెండో క్యాటగిరీలో 3 లక్షల నుంచి 10 లక్షల వరకు జనాభా  ఉన్న వరంగల్‌, నిజామాబాద్‌ నగరాలు ఎంపికయ్యాయి. ఈ విభాగంలో మొదటి బహుమతి రూ.6కోట్లు, రెండో బహుమతి రూ.5కోట్లు, మూడో బహుమతి గెలిస్తే రూ.4కోట్లు ఇస్తారు
  • మూడో క్యాటగిరీలో 3 లక్షల లోపు జనాభా ఉన్న కరీంనగర్‌, ఖమ్మం, నిజాంపేట్‌, రామగుండం నగరపాలక సంస్థలు ఎంపికయ్యాయి. ఈ క్యాటగిరీలో మొదటి బహుమతిగా రూ.3 కోట్లు, రెండో బహుమతిగా రూ.2.50 కోట్లు, మూడో బహుమతి గెలిస్తే రూ.2కోట్లు బహుమతిగా ఇస్తారు.

ఏడు నగరాల్లో కొనుగోలు చేయనున్న ఆధునిక యంత్రాలు

  • హైడ్రో వాక్‌ ఎక్విప్‌మెంట్‌ 11
  • డీసిల్టింగ్‌ మిషన్స్‌ 03
  • స్టాండర్డ్‌ సెప్టిక్‌ ట్యాంక్‌ వెహికిల్స్‌ 34
  • సీవర్‌ ఇన్‌స్పెక్షన్‌ కెమెరా అప్పార్టస్‌ 04
  • హైడ్రో జిట్టింగ్‌ మిషన్స్‌ 04
  • పవర్‌ రోడ్డింగ్‌ అప్పార్టస్‌ 19
  • హైడ్రాలిక్‌ సీవర్‌ రూట్‌ కట్టర్స్‌ 03
Advertisement
-Advertisement-

తాజావార్తలు

Advertisement
సఫాయి మిత్ర బరిలో ఏడు నగరాలు

ట్రెండింగ్‌

Advertisement