Visit:
భోపాల్‌, నవంబర్‌ 29: దేశ సర్వోన్నత న్యాయస్థానం సుప్రీం కోర్టుపై జమీయత్‌-ఇ-హింద్‌ చీఫ్‌ మౌలానా మదానీ వివాదాస్పద వ్యాఖ్యలు చేశారు. సుప్రీం కోర్టు ప్రభుత్వ ఒత్తిడితో పనిచేస్తున్నదని, ‘సుప్రీం’ అని పిలిపించుకునే అర్హత దానికి లేదని ఆయన పేర్కొన్నారు. భోపాల్‌లో శనివారం ఓ కార్యక్రమంలో ఆయన మాట్లాడుతూ ‘భారత్‌ తమకు సురక్షితం కాదని’ ముస్లిం సమాజం భావిస్తున్నదని అన్నారు. ‘బాబ్రీ మసీదు, ట్రిపుల్‌ తలాక్‌, ఇతర కేసుల తీర్పులు పరిశీలించాక గత కొన్నేండ్లుగా సుప్రీం కోర్టు ప్రభుత్వ ఒత్తిడి మేరకు పని చేస్తున్నట్టు కన్పిస్తున్నది. జ్ఞానవాపి, మథుర కేసుల విచారణ సందర్భంగా కోర్టు ఆరాధనా చట్టాన్ని విస్మరించింది. చట్టాన్ని సమర్థించినప్పుడు, రాజ్యాంగాన్ని అనుసరించినప్పుడు మాత్రమే సుప్రీం కోర్టును ‘సుప్రీం’ అని పిలవడానికి అర్హత పొందుతుంది’ అన్నారు.
