మంగళవారం 31 మార్చి 2020
Telangana - Mar 26, 2020 , 19:01:52

కరోనా నివారణకు ప్రముఖుల విరాళాలు...

కరోనా నివారణకు ప్రముఖుల విరాళాలు...

కరోనా వైరస్ వ్యాప్తిని నిరోధించడానికి తెలంగాణ రాష్ట్ర ప్రభుత్వం చేస్తున్న ప్రయత్నాలను పలువురు ప్రముఖులు అభినందించారు. ప్రభుత్వ ప్రయత్నాలకు తమ వంతు సాయంగా పెద్ద ఎత్తున విరాళాలు ప్రకటించారు. శాంతా బయోటెక్నిక్స్ అధినేత, పద్మభూషన్ కెఐ వరప్రసాద్ రెడ్డి ప్రగతి భవన్ లో  ముఖ్యమంత్రి కె.చంద్రశేఖర్ రావును కలుసుకుని ప్రభుత్వం చేస్తున్న కృషిని అభినందించారు. ముఖ్యమంత్రి సహాయ నిధికి వ్యక్తిగత సహాయంగా ఒక కోటి 116 రూపాయల చెక్కును ముఖ్యమంత్రికి వరప్రసాదర్ రెడ్డి అందించారు.

  • కెఎన్ఆర్ కన్ స్ట్రక్షన్స్ అధినేత కామిడి నర్సింహరెడ్డి కూడా ముఖ్యమంత్రిని కలిసి తమ కంపెనీ తరుఫున కోటి రూపాయల చెక్కును సిఎంఆర్ఎఫ్ కు అందించారు.
  • లారస్ ల్యాబ్స్ సిఇఓ డాక్టర్ సత్యనారాయణ, ఇ.డి. చంద్రకాంత్ చేరెడ్డి ముఖ్యమంత్రిని కలిసి తమ ల్యాబ్ తరుఫున ఒక లక్ష హైడ్రాక్సి క్లోరోక్విన్ టాబ్లెట్లను ఉచితంగా అందిస్తామని ప్రకటించారు. సిఎంఆర్ఎఫ్ కు రూ.50 లక్షల చెక్కును సిఎంకు అందించారు.
  • కరోనా వ్యాప్తి జరగుకుండా ప్రభుత్వం తీసుకుంటున్న చర్యలకు మద్దతు పలకడంతో పాటు, భారీగా విరాళాలు ఇచ్చిన దాతలకు ముఖ్యమంత్రి కేసీఆర్ ధన్యవాదాలు తెలిపారు. దాతలు అందించిన ఆర్థిక సహాయం ప్రభుత్వం చేస్తున్న కార్యక్రమాలకు ఉపయోగపడడంతో పాటు, వారు చూపించిన స్పూర్తి అధికార యంత్రాంగానికి మరింత ఉత్సాహం ఇస్తుందని సీఎం అన్నారు.
  • హైదరాబాద్ కు చెందిన మీనాక్షి గ్రూప్ ముఖ్యమంత్రి సహాయనిధికి కోటి రూపాయల విరాళం అందివ్వడానికి ముందుకు వచ్చింది. దీనికి సంబంధించిన చెక్కును ప్రగతి భవన్ లో మంత్రి కెటి రామారావుకు సంస్థ చైర్మన్ కె.ఎస్.రావు, ఎండి. సి.శివాజి అందించారు.
  • తెలంగాణ ప్రభుత్వ వైద్యులకు ఉపయోగపడే నాలుగు వేల ఎన్ 95 మాస్కులను జీపీకే ఎక్స్ పోర్టు అండ్ ఇంపోర్ట్స్ యజమానులు ఫణి కుమార్ , కర్నాల శైలజా రెడ్డి గురువారం నాడు ఐటీ , మున్సిపల్ , పరిశ్రమల శాఖ మంత్రి కేటీఆర్ కు ప్రగతి భవన్ లో అందజేశారు .
  • రియల్ ఎస్టేట్ డెవలపర్స్ అసోసియేషన్ ‘క్రెడాయ్’ ముఖ్యమంత్రి సహాయనిధికి రూ.కోటి రూపాయల విరాళం అందించారు. దీనికి సంబంధించిన చెక్కును ప్రగతి భవన్ లో మున్సిపల్ శాఖ మంత్రి కెటి రామారావుకు సంస్థ ప్రతినిధులు అందించారు.



logo
>>>>>>