ఆదివారం 24 జనవరి 2021
Telangana - Jan 10, 2021 , 01:23:04

పశువుల హాస్టల్‌ భేష్‌

పశువుల హాస్టల్‌ భేష్‌

  • మంత్రి హరీశ్‌రావుకు కేటీఆర్‌ అభినందనలు

హైదరాబాద్‌, జనవరి 9 (నమస్తే తెలంగాణ): సిద్దిపేట అర్బన్‌ మండలం పొన్నాల గ్రామ శివారులో పశువుల కోసం కమ్యూనిటీ డెయిరీ హాస్టల్‌ను ప్రారంభించి, నియోజకవర్గంలో మరో ఎనిమిది చోట్ల వీటి ఏర్పాటుకు కృషిచేస్తున్న ఆర్థికమంత్రి టీ హరీశ్‌రావును ఐటీశాఖ మంత్రి కేటీఆర్‌ శనివారం ట్విట్టర్‌లో ప్రశంసించారు. డెయిరీ ఉత్పత్తులు పెంచేందుకు ఇలాంటి సౌకర్యాలు దోహదపడుతాయని పేర్కొన్నారు.

‘రాజన్న ఎరువు’ అద్భుతం

రాజన్నసిరిసిల్ల జిల్లాలోని పలు గ్రామాలు ఇంటింటా సేకరించిన తడిపొడి చెత్తతో ‘రాజన్న సేంద్రియ ఎరువు’ పేరిట కంపోస్ట్‌ ఎరువును తయారుచేస్తుండటం అద్భుతమని మంత్రి కేటీఆర్‌ పేర్కొన్నారు. ఇటు రైతులకు మేలు జరుగుతుందని, అటు పల్లెలు పరిశుభ్రంగా మారుతాయని సర్పంచ్‌లను ట్విట్టర్‌లో అభినందించారు. ఇదేస్ఫూర్తితో అన్ని గ్రామాలు ముందుకెళ్లాలని అభిలషించారు.


logo