ముంబై, ఏప్రిల్ 2: రికార్డు స్థాయిలో దూసుకుపోయిన విదేశీ నిల్వలు భారీగా తగ్గాయి. మార్చి 26తో ముగిసిన వారంలో విదేశీ మారకం నిల్వలు 2.986 బిలియన్ డాలర్లు తగ్గి 579.285 బిలియన్ డాలర్లకు పడిపోయినట్లు రిజర్వుబ్యాంక్ తాజాగా వెల్లడించింది. అంతక్రితంవారంలో రిజర్వులు 233 మిలియన్ డాలర్లు పెరిగి 582.271 బిలియన్ డాలర్లకు చేరుకున్న విషయం తెలిసిందే. ఈ ఏడాది జనవరి 29న ఫారెక్స్ రిజర్వులు రికార్డు స్థాయి 590.185 బిలియన్ డాలర్లుగా నమోదయ్యాయి. గత వారంలో విదేశీ కరెన్సీ రూపంలో ఉన్న ఆస్తుల విలువ 3.226 బిలియన్ డాలర్లు కరిగిపోయి 537.953 బిలియన్ డాలర్లకు పరిమితమైనట్లు సెంట్రల్ బ్యాంక్ తాజాగా వెల్లడించింది. పసిడి రిజర్వులు 276 మిలియన్ డాలర్లు పెరిగి 34.907 బిలియన్ డాలర్లకు చేరుకున్నాయి.
ఇవి కూడా చదవండి..
రిలయన్స్-ఫ్యూచర్ డీల్కు 6 నెలల గడువు