బండి.. బడాయి మానెయ్‌

• ప్రభుత్వ చీఫ్‌ విప్‌ బోడకుంటి వెంకటేశ్వర్లు 
  

హైదరాబాద్‌, జనవరి 15 (నమస్తే తెలంగాణ): బీజేపీ రాష్ట్ర అధ్యక్షుడు బండి సంజయ్‌ బడాయి మాటలు మానాలని శాసనమండలి చీఫ్‌విప్‌ బోడకుంటి వెంకటేశ్వర్లు హితవు పలికారు. గురువారం అసెంబ్లీ మీడియా పాయింట్‌ వద్ద ఆయన మాట్లాడారు. బండి సంజయ్‌ ప్రజలను రెచ్చగొడుతూ పబ్బం గడుపుకోవాలని చూస్తున్నారని మండిపడ్డారు. హెడ్‌లైన్‌ కోసం డెడ్‌లైన్‌  మాటలు మాట్లాడుతున్నారని ఎద్దేవా చేశారు.  కేంద్రంలో అధికారంలో ఉండి రాష్ర్టానికి ఏం ఒరగబెట్టారని ప్రశ్నించారు. అనేక పోరాటాలకు, త్యాగాలతో తెలంగాణ సాధించిన గొప్ప నాయకుడు, పాలనాదక్షత ఉన్న సీఎం కేసీఆర్‌ను ఏకవచనంలో సంబోధించడం సరికాదని పేర్కొన్నారు. నోటికి ఎంత వస్తే అంత మాట్లాడుతూ రాజకీయాలు చేస్తే ఊరుకోబోమని ఆయన హెచ్చరించారు.