టీఆర్‌ఎస్‌లో చేరిన బీజేపీ నేతలు

మేడ్చల్‌ మల్కాజిగిరి : టీఆర్‌ఎస్‌లోకి వలసల పర్వం కొనసాగుతూనే ఉంది. కేపీహెచ్‌బీ కాలనీలో బీజేపీ నేతలు టీఆర్‌ఎస్‌ పార్టీ తీర్థం పుచ్చుకున్నారు. రవాణా శాఖ మంత్రి పువ్వాడ అజయ్‌కుమార్‌, కార్పొరేటర్‌ అభ్యర్థి మందడి శ్రీనివాస్‌రావు సమక్షంలో బీజేపీ నేతలు టీఆర్‌ఎస్‌ లో చేరారు. ఈ సందర్భంగా మంత్రి మాట్లాడుతూ.. తెలంగాణ రాష్ట్ర ప్రభుత్వ పనితీరుకు ఆకర్షితులై వివిధ పార్టీల నేతలు టీఆర్‌ఎస్‌లో చేరుతున్నట్లు తెలిపారు. యువకులు టీఆర్‌ఎస్‌ పార్టీ గెలుపు కోసం పనిచేయాలని కోరారు.