బుధవారం 12 ఆగస్టు 2020
Telangana - Jul 31, 2020 , 22:20:43

ముస్లింలకు బక్రీద్‌ శుభాకాంక్షలు : మంత్రి సత్యవతి రాథోడ్‌

ముస్లింలకు బక్రీద్‌ శుభాకాంక్షలు : మంత్రి సత్యవతి రాథోడ్‌

హైదరాబాద్‌ : బక్రీద్ సందర్భంగా రాష్ట్రంలోని ముస్లింలకు రాష్ట్ర గిరిజన సంక్షేమ, స్త్రీశిశు సంక్షేమ శాఖల మంత్రి సత్యవతి రాథోడ్ శుభాకాంక్షలు తెలిపారు. త్యాగానికి ప్రతీకగా బక్రీద్‌ను జరుపుకుంటారని, త్యాగాల ఫలితంగానే తెలంగాణ రాష్ట్రం ఏర్పడిందని ఆమె గుర్తు చేశారు. పోరాడి సాధించుకున్న తెలంగాణ రాష్ట్రాన్ని అన్నివిధాలా అభివృద్ధి చేసేందుకు ముఖ్యమంత్రి కేసీఆర్ నిరంతరం కృషి చేస్తున్నారని అన్నారు.

పేదల సంక్షేమం, అభివృద్ధికి అనేక పథకాలు అమలు చేస్తున్న ఘనత తెలంగాణ ప్రభుత్వానిదేనని పేర్కొన్నారు. షాదీ ముబారక్, ప్రత్యేక గురుకులాలు, ఓవర్సీస్ స్కాలర్ షిప్ పథకం, 12 శాతం రిజర్వేషన్లు, ఉర్దూ భాషను ప్రథమ భాషగా గుర్తించి మైనారిటీల అభ్యున్నతికి ప్రభుత్వం పెద్దపీట వేసిందని తెలిపారు.  ప్రభుత్వ సంక్షేమ పథకాలను మైనారిటీలంతా సద్వినియోగం చేసుకోవాలని కోరారు.  బక్రీద్‌ను ఆనందోత్సాహాల నడుమ జరుపుకోవాలని, బంగారు తెలంగాణ సాధనలో అందరూ భాగస్వాములై, లౌకికస్ఫూర్తిని చాటి రాష్ట్ర ప్రతిష్టను పెంచాలని ఆమె కోరారు.


logo