మంజీరా నదిలో ఏఓ ఆత్మహత్య!

నాగల్‌గిద్ద/మనూరు: సంగారెడ్డి జిల్లా మనూరు మం డలం రాయిపల్లి శివారులోని మంజీరా నదిలో మండల వ్యవసాయ శాఖ అధికారి గల్లంతయ్యారు. నారాయణఖేడ్‌ మండలం పైడిపల్లికి చెందిన అరుణ(32) సంగారెడ్డి రైతు శిక్షణ కేంద్రంలో వ్యవసాధికారిగా పనిచేస్తున్నారు. గురువారం సాయంత్రం ఆమె కారు రాయిపల్లి మంజీరా వంతెనపై నిలిపి ఉండటం, అందులో ఎవరూ లేకపోవడాన్ని గమనించిన పలువురు మనూరు పోలీసులకు సమాచారం అందించారు. పోలీసులు అక్కడికి చేరుకొని పరిశీలించగా కారులో అరుణ సెల్‌ఫోన్‌, పర్సు, కారు తాళం చెవి లభించాయి. అరుణ బ్రిడ్జిపై కారు నిలిపి నదిలో దూకి ఆత్మహత్య చేసుకొని ఉండవచ్చని పోలీసులు భావిస్తున్నారు. నదిలో గాలింపు చర్యలు చేపట్టగా ఇంకా ఆచూకీ లభించలేదు.