హైదరాబాద్ : రాష్ట్రంలో వింత వాతావరణ పరిస్థితులు నెలకొన్నాయి. ఓ వైపు ఎండలు దంచికొడుతుండగా.. మరో వైపు అకాల వర్షాలు కురుస్తాయి. నాగర్కర్నూల్, నల్లగొండ, మేడ్చల్– మల్కాజిగిరి, రంగారెడ్డి, సిద్దిపేట, వికారాబాద్, సంగారెడ్డి, యాదాద్రి భువనగిరి జిల్లాలతోపాటు హైదరాబాద్లోని పలుచోట్ల మంగళవారం తేలికపాటి నుంచి ఒక మోస్తరు వర్షం కురిసిందని హైదరాబాద్ వాతావరణ కేంద్రం తెలిపింది.
అత్యధికంగా నాగర్కర్నూల్ జిల్లా అమ్రాబాద్లో 34.5 మిల్లీమీటర్లు వర్షం కురిసింది. ఉపరితల ఆవర్తనం, ఉపరితల ద్రోణి కారణంగా బుధ, గురువారాల్లో రాష్ట్రంలోని పలు ప్రాంతాల్లో ఉరుములు, మెరుపులతోపాటు గంటకు 30 నుంచి 40 కిలోమీటర్ల వేగంతో ఈదురుగాలులు వీస్తూ తేలికపాటి నుంచి ఓ మోస్తరు వానలు పడే అవకాశం ఉన్నది. రాష్ట్రంలో గరిష్ఠ ఉష్ణోగ్రతలు 36.5 నుంచి 42.5 డిగ్రీల మధ్య నమోదయ్యాయి.