బాలీవుడ్ ముద్దుగుమ్మ కత్రినాకైఫ్, యువ హీరో విక్కీకౌశల్ల రహస్య ప్రేమాయణంపై చాలా కాలంగా వార్తలు వినిపిస్తున్నాయి. గతంలో పలు సినీవేడుకల్లో ఈ జంట సన్నిహితంగా కనిపించారు. సామాజిక మాధ్యమాల్లో తరచుగా ఈ ప్రేమపక్షుల మధ్య సాగిన సరదాసంభాషణలు వారి మధ్య ఉన్న అనుబంధాన్ని చాటిచెప్పాయి. అయితే తమ ప్రేమవ్యవహారంపై ఈ జోడీ ఇప్పటివరకు పెదవివిప్పలేదు. తాజాగా విక్కీకౌశల్, కత్రినాకైఫ్ ప్రేమలో ఉన్నది నిజమేనంటూ అనిల్కపూర్ తనయుడు హర్షవర్ధన్కపూర్ వెల్లడించారు. ఇటీవల ఓ చాట్ షోలో హర్షవర్ధన్కపూర్ పాల్గొన్నారు. ఈ కార్యక్రమంలో బాలీవుడ్లో మీరు ఎవరి రిలేషన్షిప్ను నిజమని విశ్వసిస్తున్నారని హోస్ట్ అడిగిన ప్రశ్నకు ‘మిగతా వారి గురించి నాకు తెలియదు కానీ విక్కీకౌశల్, కత్రినాకైఫ్ ప్రేమలో ఉన్నది నిజం’ అంటూ హర్షవర్ధన్ కపూర్ బదులిచ్చారు. ఈ రహస్యాన్ని వెల్లడించడం వల్ల తాను ఇబ్బందులు పడే అవకాశముందని పేర్కొన్నారు. హర్షవర్ధన్కపూర్ వ్యాఖ్యలు బాలీవుడ్లో హాట్టాపిక్గా మారాయి. అతడి కామెంట్స్పై కత్రినాకైఫ్, విక్కీ కౌశల్ ఎలా స్పందిస్తారోనని బాలీవుడ్ వర్గాలు ఆసక్తిగా ఎదురుచూస్తున్నాయి.