అభివృద్ధికి ఆకర్షితులయ్యే టీఆర్‌ఎస్‌లో చేరికలు

కుమ్రంభీం అసీఫాబాద్ : అభివృద్ధి, సంక్షేమ కార్యక్రమాలకు ఆకర్షితులయ్యే వివిధ పార్టీల నుంచి టీఆర్‌ఎస్‌లో చేరుతున్నారని సిర్పూర్ ఎమ్మెల్యే కోనేరు కోనప్ప అన్నారు. ఎమ్మెల్యే సమక్షంలో కౌ టాల మండలం గుడ్లబోరి గ్రామ సర్పంచ్ శ్రీనివాస్, ఉప సర్పంచ్ రాందాస్, ఎంపీటీసీ వసంత్ రావు, గ్రామపంచాయతీ పాలక వర్గ సభ్యులు టీఆర్‌ఎస్‌లో చేరారు. వారికి ఎమ్మెల్యే గులాబీ కండువా కప్పి పార్టీలోకి ఆహ్వానించారు. ఈ సందర్భంగా ఆయన మాట్లాడుతూ..పార్టీలో చేరిన ప్రతి కార్యకర్తను కంటికి రెప్పలా కాపాడుకుంటామన్నారు. కార్యక్రమంలో స్థానిక ప్రజాప్రతినిధులు, అధికారులు పాల్గొన్నారు.