నేరేడుచర్ల/మఠంపల్లి, ఏప్రిల్ 28 : మాస్క్ ధరించకపోతే రూ.వెయ్యి జరిమానా విధిస్తామని మున్సిపల్ కమిషనర్ గోపయ్య, ఎస్ఐ యాదవేంద్రరెడ్డి హెచ్చరించారు. బుధవారం పట్టణంలోని జాన్పహాడ్ రోడ్డులో దుకాణాల వెంట తిరిగి కరోనా కట్టడికి తీసుకోవాల్సిన జాగ్రత్తలపై అవగాహన కల్పించారు. యజమానులు, వర్కర్లు తప్పనిసరిగా మాస్కులు ధరించాలని, దుకాణానికి వచ్చే వినియోగదారులు భౌతికదూరం పాటించేలా చూడాలన్నారు. మున్సిపల్ సిబ్బంది శివ, కిశోర్, సైదులు, పోలీస్ సిబ్బంది పాల్గొన్నారు. అలాగే మాస్క్ లేకుండా రోడ్లపైకి రావొద్దని మఠంపల్లి తాసీల్దార్ లక్ష్మణ్బాబు సూచించారు. బుధవారం మండల కేంద్రంలోని ప్రధాన రహదారిపై వాహనాలను ఆపి ప్రయాణికులకు కరోనాపై అవగాహన కల్పించారు.
కరోనా నిబంధనలు పాటించాలి : ఎస్ఐ
పాలకవీడు : ప్రతి ఒక్కరూ కరోనా నిబంధనలు పాటించాలని ఎస్ఐ నరేశ్ సూచించారు. బుధవారం మండల కేంద్రంలో బహిరంగ ప్రదేశాల్లో తనిఖీలు నిర్వహించారు. ప్రజలంతా అప్రమత్తంగా ఉండాలని, బయటకు వచ్చేటప్పుడు విధిగా మాస్క్ ధరించాలని, లేనిచో రూ.వెయ్యి జరిమానా విధించనున్నట్లు తెలిపారు.
గరిడేపల్లి : కరోనా పట్ల అప్రమత్తంగా ఉండాలని పొనుగోడు సర్పంచ్ జోగు సరోజినీపిచ్చిరెడ్డి సూచించారు. కరోనా వ్యాప్తి నియంత్రణలో భాగంగా బుధవారం గ్రామంలోని వీధుల్లో బ్లీచింగ్ పౌడర్ చల్లించారు. పంచాయతీ సిబ్బంది పాల్గొన్నారు.
మేళ్లచెర్వులో స్వచ్ఛంద లాక్డౌన్
మేళ్లచెర్వు : మండల కేంద్రంలో బుధవారం నుంచి స్వచ్ఛంద లాక్డౌన్ పాటిస్తున్నట్లు సర్పంచ్ పందిళ్లపల్లి శంకర్రెడ్డి తెలిపారు. మధ్యాహ్నం 2గంటల వరకే దుకాణాలు తెరిచి ఉంటాయని, ఉదయం 5గంటల వరకు బంద్ పాటిస్తున్నట్లు చెప్పారు. స్వచ్ఛంద లాక్డౌన్కు ప్రతి ఒక్కరూ సహకరించాలని కోరారు.
సోడియం హైపోక్లోరైట్ ద్రావణం పిచికారీ
మఠంపల్లి : కరోనా కట్టడికి ఆయా గ్రామాల్లో సర్పంచులు చర్యలు చేపడుతున్నారు. బ్లీచింగ్ పౌడర్, సోడియం హైపోక్లోరైట్ ద్రావణాన్ని పిచికారీ చేయిస్తున్నారు.
వ్యాక్సిన్కు భారీగా తరలివస్తున్న ప్రజలు
కోదాడ రూరల్ : కరోనా వ్యాక్సిన్ కోసం ప్రజలు భారీగా తరలివస్తున్నారు. కోదాడ ఉన్నత పాఠశాలలో, కాపుగల్లు పీహెచ్సీలో టీకాలు వేయించుకునేందుకు బుధవారం ఉదయం 8.30గంటలకే క్యూ కట్టారు. అలాగే కరోనా నియంత్రణపై నిర్వహిస్తున్న పోలీసుల కళాజాత బృందం బుధవారం కోదాడకు చేరింది. వైరస్ నియంత్రణకు తీసుకోవాల్సిన జాగ్రత్తలపై అవగాహన కల్పించారు. పట్టణ సీఐ నర్సింహారావు, ఎస్ఐలు క్రాంతికుమార్, రవీందర్, పోలీసులు పాల్గొన్నారు.