మంగళవారం 19 జనవరి 2021
Telangana - Dec 26, 2020 , 18:16:32

చిట్టీల పేరుతో రూ.2.5 కోట్లకు కుచ్చుటోపీ.. ముగ్గురి అరెస్టు

చిట్టీల పేరుతో రూ.2.5 కోట్లకు కుచ్చుటోపీ.. ముగ్గురి అరెస్టు

హైదరాబాద్‌ :  చిట్టీలు కట్టించుకొని పెట్టుబడిదారులను నట్టేట ముంచిన ముగ్గురిని కేబీహెచ్‌బీ పోలీసులు శనివారం అరెస్టు చేశారు. కూకట్‌పల్లికి చెందిన చేగొండి సూర్యనారాయణ, చోగొండి కనకదుర్గ, చేగొండి మాధురి స్థానికంగా చిట్టీల వ్యాపారం నిర్వహించే వారు. 38 మంది నుంచి సుమారు 2.5 కోట్లు వసూలు చేశారు. గడువుతీరినా డబ్బులు కట్టినవారికి తిరిగి చెల్లించలేదు. డబ్బులు చెల్లించాలని నిలదీసినా స్పందన లేకపోవడంతో బాధితులు పోలీసులను ఆశ్రయించారు. దీంతో రంగంలోకి దిగిన పోలీసులు మోసానికి పాల్పడిన ముగ్గురిని అరెస్టు చేశారు.  తమకు న్యాయం చేయాలని బాధితులు పోలీసులను వేడుకుంటున్నారు.   

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.