శుక్రవారం 14 ఆగస్టు 2020
Telangana - Jul 29, 2020 , 17:34:28

నిరాడంబరంగా వినాయక చవితి వేడుకలు : మంత్రి ఐకే రెడ్డి

నిరాడంబరంగా వినాయక చవితి వేడుకలు : మంత్రి ఐకే రెడ్డి

హైద‌రాబాద్ : కరోనా నేపథ్యంలో వినాయక చవితి వేడుకలను నిరాడంబరంగా జ‌రుపుకోవాల‌ని దేవాదాయ శాఖ మంత్రి అల్లోల ఇంద్రకరణ్‌ రెడ్డి కోరారు. జన సమూహం లేకుండా పండగను ఎవరి ఇంట్లో వారే జరుపుకోవాలని, సామూహిక నిమజ్జనాలు వద్దని సూచించారు. కరోనా మహమ్మారి ప్రభావంతో ప్రజల ఆరోగ్యాన్ని దృష్టిలో ఉంచుకుని రంజాన్, ఉగాది, శ్రీరామ నవమి, బోనాల‌ వంటి పండుగలను నిరాడంబరంగా జ‌రుపుకున్నామ‌ని తెలిపారు.

వినాయ‌క చ‌వితి పండ‌గ‌ను కూడా ఎలాంటి ఆర్భాటం లేకుండా  నిర్వహించుకోవాల‌ని, దీనికి ప్రజలందరూ స‌హాక‌రించాల‌ని కోరారు. పర్యావరణహిత  వినాయ‌క‌ ప్రతిమల‌నే ప్రతిష్టిద్దామని సూచించారు. కాలుష్య నియంత్రణ మండ‌లి ఆధ్వర్యంలో మ‌ట్టి వినాయ‌క  ప్రతిమలను పంపిణీ చేయ‌నున్నట్లు మంత్రి తెలిపారు.



logo