HomeLATEST NEWSXiaomi Redmi Note 5 specifications surface

రేపు విడుదల కానున్న రెడ్‌మీ నోట్ 5.. అందులో ఉన్న అదిరిపోయే ఫీచర్లివే..?

Published: Tue,February 13, 2018 03:52 PM
  Increase Font Size Reset Font Size decrease Font size   
చైనాకు చెందిన మొబైల్స్ తయారీదారు షియోమీ తన నూతన స్మార్ట్‌ఫోన్ రెడ్‌మీ నోట్ 5ను రేపు ఫ్లిప్‌కార్ట్ సైట్‌లో ఎక్స్‌క్లూజివ్‌గా విడుదల చేయనున్న విషయం తెలిసిందే. ఫిబ్రవరి 14న మధ్యాహ్నం 12 గంటలకు ఢిల్లీలో జరగనున్న ఓ ఈవెంట్‌లో ఈ ఫోన్‌ను లాంచ్ చేయనున్నట్లు షియోమీ ఇటీవలే అధికారికంగా ప్రకటించింది. ఈ క్రమంలో విడుదలకు ఒక రోజు ముందు రెడ్‌మీ నోట్ 5 ఫోన్‌కు చెందిన ఫీచర్లు నెట్‌లో లీకయ్యాయి. దాని ప్రకారం ఈ ఫోన్‌లో ఉన్న ఫీచర్లు ఏమిటో ఇప్పుడు తెలుసుకుందాం.

లీకైన వివరాల ప్రకారం రెడ్‌మీ నోట్ 5లో 5.99 ఇంచ్ ఫుల్ హెచ్‌డీ ప్లస్ భారీ డిస్‌ప్లే, 2 గిగాహెడ్జ్ ఆక్టాకోర్ స్నాప్‌డ్రాగన్ 625 ప్రాసెసర్, 3/4 జీబీ ర్యామ్, 32/64 జీబీ స్టోరేజ్, 128 జీబీ ఎక్స్‌పాండబుల్ స్టోరేజ్, ఆండ్రాయిడ్ 7.1 నూగట్, హైబ్రిడ్ డ్యుయల్ సిమ్, 12 మెగాపిక్సల్ బ్యాక్ కెమెరా, 5 మెగాపిక్సల్ సెల్ఫీ కెమెరా, ఫింగర్‌ప్రింట్ సెన్సార్, ఇన్‌ఫ్రారెడ్ సెన్సార్, 4జీ వీవోఎల్‌టీఈ, బ్లూటూత్ 4.2, 4000 ఎంఏహెచ్ బ్యాటరీ.

ఇక రెడ్‌మీ నోట్ 5 మాత్రమే కాకుండా దీనికి మరిన్ని ఫీచర్లు జతచేయబడిన రెడ్‌మీ నోట్ 5 ప్రొను కూడా షియోమీ విడుదల చేయనున్నట్లు తెలిసింది. అందులో 5.99 ఇంచ్ భారీ ఫుల్ హెచ్‌డీ ప్లస్ డిస్‌ప్లే, 1.8 గిగాహెడ్జ్ ఆక్టాకోర్ స్నాప్‌డ్రాగన్ 636 ప్రాసెసర్, 3/4 జీబీ ర్యామ్, 32/64 జీబీ స్టోరేజ్, 128 జీబీ ఎక్స్‌పాండబుల్ స్టోరేజ్, ఆండ్రాయిడ్ 7.1.2 నూగట్, హైబ్రిడ్ డ్యుయల్ సిమ్, 12, 5 మెగాపిక్సల్ డ్యుయల్ బ్యాక్ కెమెరాలు, 20 మెగాపిక్సల్ సెల్ఫీ కెమెరా, ఫింగర్‌ప్రింట్ సెన్సార్, ఇన్‌ఫ్రారెడ్ సెన్సార్, 4జీ వీవోఎల్‌టీఈ, బ్లూటూత్ 4.2, 4000 ఎంఏహెచ్ బ్యాటరీ ఫీచర్లు ఏర్పాటు చేసినట్లు సమాచారం. ఇక ఈ రెండు ఫోన్ల ధరల వివరాలను మాత్రం షియోమీ ఇంకా వెల్లడించలేదు.
4136
Tags

More News

NATIONAL-INTERNATIONAL

SPORTS

Health

Technology