వాట్సాప్‌లో వ‌స్తున్న ఫింగ‌ర్ ప్రింట్ అథెంటికేష‌న్ ఫీచ‌ర్


Sun,January 13, 2019 09:09 AM

ప్ర‌ముఖ ఇన్‌స్టంట్ మెసేజింగ్ యాప్ వాట్సాప్‌లో ఫింగ‌ర్ ప్రింట్ అథెంటికేష‌న్ పేరిట ఓ కొత్త ఫీచ‌ర్ త్వ‌ర‌లో యూజ‌ర్ల‌కు ల‌భ్యం కానుంది. ఈ ఫీచ‌ర్ స‌హాయంతో యూజ‌ర్లు త‌మ వాట్సాప్‌కు పిన్‌, ప్యాట్ర‌న్‌, పాస్‌కోడ్‌, ఫేస్ ఐడీ, ట‌చ్ ఐడీ, ఫింగ‌ర్ ప్రింట్ లాక్ ల‌లో ఏదైనా లాక్‌ను సెట్ చేసుకోవ‌చ్చు. దీంతో వాట్సాప్ ఓపెన్ అవ్వాలంటే అదే లాక్ వాడాల్సి ఉంటుంది. ఈ ఫీచ‌ర్ వ‌ల్ల ఒక యూజ‌ర్ వాట్సాప్ అకౌంట్‌ను మ‌రొక యూజ‌ర్ వాడ‌లేరు. దీంతో యూజ‌ర్ల‌కు పూర్తి సెక్యూరిటీ ల‌భిస్తుంది. అయితే ఈ ఫీచ‌ర్ ఇప్ప‌టికే ఆండ్రాయిడ్ ప్లాట్‌ఫాంపై వాట్సాప్ బీటాను వాడుతున్న యూజ‌ర్ల‌కు అందుబాటులోకి రాగా, త్వ‌ర‌లో పూర్తి స్థాయిలో యూజ‌ర్లంద‌రికీ ఈ ఫీచ‌ర్ ల‌భ్యం కానుంది. ఇక వాట్సాప్‌లో త్వ‌ర‌లో మరో ఫీచ‌ర్‌ను కూడా అందుబాటులోకి తేనున్నారు. దాని స‌హాయంతో యూజ‌ర్లు తాము పంపాల‌నుకునే ఆడియో ఫైల్స్‌ను ముందుగానే విన‌వ‌చ్చు. అలాగే డివైస్‌లో ఉన్న ఆడియో ఫైల్స్ అన్నీ వాట్సాప్‌లో లిస్ట్ అవుతాయి. ఇక కేవ‌లం ఒక ఆడియో ఫైల్ మాత్ర‌మే కాకుండా, మ‌ల్టిపుల్ ఆడియో ఫైల్స్‌ను ఒకేసారి పంపుకునే ఫీచ‌ర్‌ను కూడా త్వ‌ర‌లో అందివ్వ‌నున్నారు.

3144

More News

VIRAL NEWS

target delhi
country oven

Featured Articles

Health Articles