నాలుగు బ్యాక్ కెమెరాల‌తో విడుదలైన గెలాక్సీ ఎ9 (2018) స్మార్ట్‌ఫోన్


Tue,November 20, 2018 03:48 PM

ఎలక్ట్రానిక్స్ తయారీదారు శాంసంగ్ తన నూతన స్మార్ట్‌ఫోన్ గెలాక్సీ ఎ9 (2018)ను ఇవాళ భారత మార్కెట్‌లో విడుదల చేసింది. గెలాక్సీ ఎ సిరీస్‌లో వచ్చిన టాప్ ఎండ్ స్మార్ట్‌ఫోన్ ఇదే కావడం విశేషం. కాగా ఈ ఫోన్‌లో 6.3 ఇంచుల భారీ డిస్‌ప్లేను ఏర్పాటు చేశారు. 8 జీబీ ర్యామ్‌ను అందిస్తున్నారు. దీని వల్ల ఫోన్ వేగవంతమైన ప్రదర్శనను ఇస్తుంది. అలాగే వెనుక భాగంలో ఫింగర్ ప్రింట్ సెన్సార్‌ను ఏర్పాటు చేయగా, 3800 ఎంఏహెచ్ బ్యాటరీని ఈ ఫోన్‌లో అందిస్తున్నారు. దీనికి ఫాస్ట్ చార్జింగ్ సపోర్ట్ కూడా ఉంది.

గెలాక్సీ ఎ9 2018 స్మార్ట్‌ఫోన్‌లో వెనుక భాగంలో 24, 10, 8, 5 మెగాపిక్సల్ కెమెరాలు నాలుగింటిని ఏర్పాటు చేశారు. ముందు భాగంలో 24 మెగాపిక్సల్ సెల్ఫీ కెమెరా ఉంది. ఈ ఫోన్‌కు చెందిన 6 జీబీ ర్యామ్ వేరియెంట్ ధర రూ.36,990 ఉండగా, 8 జీబీ ర్యామ్ వేరియెంట్ ధర రూ.39,990 గా ఉంది. ఫ్లిప్‌కార్ట్, అమెజాన్, శాంసంగ్ ఆన్‌లైన్ స్టోర్, ఎయిర్‌టెల్ స్టోర్స్‌లలో ఈ ఫోన్‌కు ప్రీబుకింగ్స్‌ను ఇప్పటికే ప్రారంభించారు. ఈ ఫోన్‌ను ఈ నెల 28వ తేదీ నుంచి విక్రయించనున్నారు. హెచ్‌డీఎఫ్‌సీ క్రెడిట్, డెబిట్ కార్డులతో ఈ ఫోన్‌ను కొంటే రూ.3వేల వరకు క్యాష్‌బ్యాక్ ఇస్తారు.

శాంసంగ్ గెలాక్సీ ఎ9 2018 ఫీచర్లు...

6.3 ఇంచుల ఫుల్ హెచ్‌డీ సూపర్ అమోలెడ్ డిస్‌ప్లే, 1080 x 2220 పిక్సల్స్ స్క్రీన్ రిజల్యూషన్, ఆక్టాకోర్ స్నాప్‌డ్రాగన్ 660 ప్రాసెసర్, 6/8 జీబీ ర్యామ్, 128 జీబీ స్టోరేజ్, 512 జీబీ ఎక్స్‌పాండబుల్ స్టోరేజ్, ఆండ్రాయిడ్ 8.0 ఓరియో, డ్యుయల్ సిమ్, 24, 10, 8, 5 మెగాపిక్సల్ బ్యాక్ కెమెరాలు, 24 మెగాపిక్సల్ సెల్ఫీ కెమెరా, ఫింగర్ ప్రింట్ సెన్సార్, 4జీ వీవోఎల్‌టీఈ, డ్యుయల్ బ్యాండ్ వైఫై, బ్లూటూత్ 5.0, ఎన్‌ఎఫ్‌సీ, 3800 ఎంఏహెచ్ బ్యాటరీ, ఫాస్ట్ చార్జింగ్.

1565

More News

VIRAL NEWS