ఓపెన్ సేల్‌లో లభిస్తున్న పోకో ఎఫ్1 స్మార్ట్‌ఫోన్..!


Sun,September 16, 2018 07:01 PM

షియోమీ తన నూతన స్మార్ట్‌ఫోన్ పోకో ఎఫ్1 ను గత నెలలో విడుదల చేసిన విషయం విదితమే. కాగా ఈ ఫోన్‌కు గాను షియోమీ ఆగస్టు 29వ తేదీ నుంచి ఆన్‌లైన్‌లో ఫ్లాష్ సేల్‌లో విక్రయాలు ప్రారంభించింది. ఈ క్రమంలోనే మొదటి ఫ్లాష్ సేల్‌లో కేవలం 5 నిమిషాల్లోనే రూ.200 కోట్ల విలువైన పోకో ఎఫ్1 ఫోన్ అమ్మకాలు జరిగాయని షియోమీ వెల్లడించింది. కాగా ఈ ఫోన్‌కు చెందిన 6జీబీ ర్యామ్, 128 జీబీ స్టోరేజ్ వేరియెంట్‌ను ప్రస్తుతం ఓపెన్ సేల్‌లో విక్రయిస్తున్నట్లు షియోమీ వెల్లడించింది. ఫ్లిప్‌కార్ట్, ఎంఐ ఆన్‌లైన్ స్టోర్స్‌లో ఈ ఫోన్‌ను యూజర్లు ఓపెన్ సేల్‌లో కొనుగోలు చేయవచ్చు. ఈ వేరియెంట్ ధర రూ.23,999 గా ఉంది.

పోకో ఎఫ్1 స్మార్ట్‌ఫోన్‌కు చెందిన 64 జీబీ స్టోరేజ్ వేరియెంట్‌కు అధికంగా డిమాండ్ ఉంది. దీంతో ఈ వేరియెంట్‌ను మాత్రం ఫ్లాష్ సేల్‌లో విక్రయించనున్నారు. ఇక ఈ ఫోన్‌లో 6.18 ఇంచ్ డిస్‌ప్లే, స్నాప్‌డ్రాగన్ 845 ప్రాసెసర్, వెనుక భాగంలో 12 మెగాపిక్సల్ డ్యుయల్ కెమెరాలు, 20 మెగాపిక్సల్ సెల్ఫీ కెమెరా, ఐఆర్ ఫేస్ అన్‌లాక్, 4000 ఎంఏహెచ్ బ్యాటరీ తదితర ఫీచర్లను అందిస్తున్నారు.

7857

More News

VIRAL NEWS