జియో గిగాఫైబర్ బంపర్ ఆఫర్.. నెలకు 1100 జీబీ డేటా ఫ్రీ..?


Sat,August 18, 2018 02:32 PM

రిలయన్స్ జియో తన గిగాఫైబర్ సేవలకు గాను రిజిస్ట్రేషన్లను ఇటీవలే ప్రారంభించిన విషయం తెలిసిందే. ఇప్పటికే చాలా మంది జియో గిగాఫైబర్ సేవలకు గాను రిజిస్ట్రేషన్లు చేసుకున్నారు. ఇంకా అవి కొనసాగుతున్నాయి. ఈ క్రమంలో అధిక సంఖ్యలో రిజిస్ట్రేషన్లు వచ్చిన మెట్రో సిటీల్లో ముందుగా జియో గిగాఫైబర్ సేవలను ప్రారంభిస్తారు.

అయితే గిగాఫైబర్ సేవలు ప్రారంభం అయ్యేందుకు మరికొద్ది నెలలు పట్టే అవకాశం ఉండగా, సేవలను ప్రారంభించాక 3 నెలల పాటు జియో తన గిగాఫైబర్ కస్టమర్లకు ఉచితంగా బ్రాడ్‌బ్యాండ్ సేవలను అందించనున్నట్లు తెలిసింది. 3 నెలల కాలవ్యవధికి గాను ప్రివ్యూ ఆఫర్ కింద 100 ఎంబీపీఎస్ స్పీడ్‌తో నెలకు గరిష్టంగా 100 జీబీ వరకు డేటాను ఉచితంగా ఇవ్వనున్నట్లు సమాచారం. ఇక 100 జీబీ కోటా అయిపోయినా ఒక్కోటి 40 జీబీ విలువ గల 25 టాపప్‌లను కూడా నెలలలో ఉచితంగా వేసుకునేలా జియో తన గిగాఫైబర్ సేవల ప్రివ్యూ ఆఫర్‌లో సౌకర్యాన్ని అందివ్వనున్నట్లు తెలిసింది. అదే జరిగితే వినియోగదారులకు ఒక నెలకు 1100 జీబీ డేటా ఉచితంగా వస్తుంది. అలా 3 నెలల పాటు నెలకు 1.1 టీబీ డేటాను వాడుకోవచ్చు.

అయితే ఈ ప్రివ్యూ ఆఫర్‌ను జియో తన గిగాఫైబర్ కస్టమర్లకు అందిస్తుందా, లేదా అన్న అంశంపై ఇంకా స్పష్టత రాలేదు. కానీ గతంలో జియో టెలికాం సేవలను ప్రారంభించినప్పుడు 6 నెలల పాటు ఉచితంగా డేటా, వాయిస్ కాల్స్, ఇతర సేవలను జియో అందించింది. ఈ క్రమంలో గిగాఫైబర్ సేవల విషయంలోనూ ఇలాంటి విధానాన్నే జియో అనుసరించవచ్చని తెలుస్తోంది. అదే గనక జరిగితే మరోసారి జియో సంచలనాలను సృష్టించే అవకాశం స్పష్టంగా కనిపిస్తున్నది.

6219

More News

VIRAL NEWS

Featured Articles

Health Articles