‘దువ్వాడ జగన్నాథం’ చిత్రంలో దేవిశ్రీప్రసాద్ స్వరపరచిన ‘సీటీమార్..’ పాట సంగీతప్రియుల్ని ఆకట్టుకుంది. ఈ పాటను సల్మాన్ఖాన్ నటిస్తోన్న ‘రాధే’ కోసం దేవిశ్రీప్రసాద్ రీమిక్స్ చేశారు. సోమవారం హిందీ పాట విడుదలైంది. ‘డీజే’లోని ‘సీటీమార్..’ పాట నచ్చడంతో తన సినిమా కోసం ఈ పాటను స్వరపరచమని సల్మాన్ఖాన్ స్వయంగా దేవిశ్రీప్రసాద్ను అడిగినట్లు తెలిసింది. ‘రాధే’ సినిమాకు ఈ పాట ప్రత్యేక ఆకర్షణగా నిలుస్తుందని చిత్రబృందం చెబుతున్నారు. ఈ చిత్రానికి ప్రభుదేవా దర్శకత్వం వహించారు.