క్రికెట్ ప్రపంచంలో మాస్టర్ బ్లాస్టర్ సచిన్ టెండూల్కర్ తెలియని వారు లేరంటే అతిశయోక్తి కాదేమో! సుదీర్ఘ కాలం క్రికెట్ ఆడిన సచిన్ రమేష్ టెండుల్కర్ తన కెరీర్లో ఎన్నో ఘనతలు సాధించాడు. భారత్ తరపున 200 టెస్టులు, 460 వన్డేలు, ఒక టీ20 మ్యాచ్ ఆడిన సచిన్.. ప్రపంచంలో అన్ని ఫార్మాట్లలో కలిపి 100 అంతర్జాతీయ సెంచరీలు కొట్టిన ఏకైన బ్యాట్స్మెన్గా రికార్డు సాధించారు. ఈ రోజు తన 48వ పుట్టిన రోజు జరుపుకుంటున్న సచిన్కు అన్ని రంగాలకు చెందిన ప్రముఖులు శుభాకాంక్షలు తెలియజేస్తున్నారు.
తాజాగా టాలీవుడ్ సినీ పరిశ్రమకు చెందిన చిరంజీవి, మహేష్ బాబు తన ట్విట్టర్ ద్వారా శుభాకాంక్షలు తెలియజేశారు. బిలియన్ హృదయాలను దోచుకున్న మీరు బిలియన్ల మంది భావోద్వేగాలను కదిలించారు. బిలియన్ ప్రజల కలలను సాకారం చేశారు. బిలియన్స్ ప్రజల మనస్సులను ప్రేరేపించారు. అయినప్పటికీ మీరు ఎంతో వినయంగా ఉంటారు. హ్యాపీ బర్త్ డే డియర్ మాస్టర్ బ్లాస్టర్ అంటూ చిరు తన ట్వీట్లో పేర్కొన్నారు. ఇక క్రికెట్ మనందరికి గుర్తుండిపోయేలా రీ డిఫైన్ చేసిన సచిన్కు బర్త్డే శుభాకాంక్షలు.. మీరు ఎల్లప్పుడు సంతోషంగా ఆరోగ్యంగా ఉండాలని కోరుకుంటున్నాను అని మహేష్ తన ట్వీట్లో పేర్కొన్నారు.
ఇవికూడా చదవండి..