రమ్యకృష్ణ ప్రత్యేకంగా పరిచయం చేయాల్సిన అవసరం లేదు. ఎందుకంటే ఈ పేరుకు తెలుగులో మాత్రమే కాదు దక్షిణాది సినిమా ఇండస్ట్రీలో అదిరిపోయే ఫాలోయింగ్ ఉంది. ఒక్క ముక్కలో చెప్పాలంటే ఒకప్పుడు దక్షిణాది సినీ ఇండస్ట్రీని గ్లామర్ క్వీన్గా ఏలేసింది రమ్యకృష్ణ. ఇప్పటికీ హీరోయిన్లతో సమానమైన క్రేజ్ సంపాదించుకుంది రమ్య. ఐదేళ్ల కిందట బాహుబలిలో శివగామి పాత్రతో ఇండియన్ సినిమాలో తనకంటూ ప్రత్యేకమైన చరిత్ర లిఖించుకుంది ఈ సీనియర్ హీరోయిన్. ప్రస్తుతం చేతినిండా సినిమాలతో బిజీగా ఉంది రమ్యకృష్ణ. తెలుగుతో పాటు తమిళ, మలయాళ, కన్నడ సినిమాలు కూడా చేస్తుంది. ఇదిలా ఉంటే తాజాగా ఈమె బాగా ఏడ్చేసింది. ఈమె ఏడుస్తున్న వీడియో సోషల్ మీడియాలో వైరల్ అవుతుంది. రమ్యకృష్ణ ఇంతగా ఏడవడానికి కారణం ఒక సీనియర్ హీరోయిన్. ఎవరా హీరోయిన్ అనుకుంటున్నారా.. బాలీవుడ్ ఎవర్ గ్రీన్ బ్యూటీ రేఖ.
అసలు విషయం ఏంటంటే ఈ మధ్య ఇండియన్ ఐడల్ సీజన్ 12కి రేఖ ముఖ్య అతిథిగా వచ్చింది. రావడమే కాకుండా స్టేజ్ పై డాన్స్ చేసింది. రేఖ క్లాసికల్ డాన్సర్ అనే సంగతి అందరికీ తెలిసిందే. 66 ఏళ్ల వయసులో రేఖా జి డాన్స్ చూసి అక్కడున్న వాళ్ళందరూ ఫిదా అయిపోయారు. ఇక టీవీలో ఈ డాన్స్ చూసి రమ్యకృష్ణ ఎమోషనల్ అయిపోయింది. తెలియకుండానే ఏడ్చేసింది. మై గాడ్.. మై గాడేస్.. రేఖా గారు అని క్యాప్షన్ పెట్టి రమ్యకృష్ణ ఒక వీడియో షేర్ చేసింది. రమ్యకృష్ణ షేర్ చేసిన ఈ వీడియో వైరల్ అవుతుంది.ఇదిలా ఉంటే కెరీర్లో ప్రస్తుతం వరుస సినిమాలతో బిజీగా ఉంది. తెలుగులో సాయి తేజ్ హీరోగా వస్తున్న రిపబ్లిక్ సినిమాలో నెగిటివ్ క్యారెక్టర్ చేస్తుంది రమ్యకృష్ణ. దాంతోపాటు జయలలిత బయోపిక్ క్వీన్ వెబ్ సిరీస్ సీజన్ 2 లో నటిస్తుంది. ఏదేమైనా రమ్యకృష్ణ ఏడుపు వీడియో బాగా వైరల్ అవుతుంది.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి