జీవితం నటిస్తున్నట్లు
తెలియని నాటకం
రంగులొక్కటే తక్కువ!
బ్రతుకు బహురూపుల
బహిరంగ సంత!
బ్రతుకుకు బ్రతుకు వింత!
మళ్లీ కలువలేని చింత!
కొనేది,అమ్మేది ఎంత?
సంతకు వచ్చినందుకు లాభమెంత?
బేరసారాల ఖర్చు బ్రతుకంత!
బ్రతుకు వ్యాపకాల రంగస్థలం!
బ్రతుకుకు బ్రతుకు వేసే వేలం!
రిహార్సల్ వుండని వింత నాటకం!
భూమి తిరుగుడు తెలియనట్లు
తెలియదని నటిస్తున్నట్లు!
రంగులు వేసుకొనని నాటకంలో
నటనే పాత్రకు వన్నె!
పాత్రలకు తెరపడుతున్నా
నాటకం నడుస్తూనే వుంటుంది!
తామరాకు పై నీటి బొట్టు
చందం జీవించు ఏమీ అంటనట్టు!