సోమవారం 25 జనవరి 2021
Sports - Dec 30, 2020 , 10:57:19

ఆస్ట్రేలియా కన్నా ఎక్కువ పాయింట్లు.. అయినా రెండోస్థానం ఎందుకు?

ఆస్ట్రేలియా కన్నా ఎక్కువ పాయింట్లు.. అయినా రెండోస్థానం ఎందుకు?

బాక్సింగ్ డే టెస్ట్‌లో టీమిండియా ఆస్ట్రేలియాపై ఘ‌న విజ‌యం సాధించింది. ఈ విజ‌యం ద్వారా ఇండియాకు 30 పాయింట్లు వ‌చ్చాయి. దీంతో టెస్ట్ చాంపియ‌న్‌షిప్‌లో ఇండియ‌న్ టీమ్‌ మొత్తం పాయింట్లు 390కి చేరాయి. మ‌రోవైపు ఇదే టెస్ట్‌లో స్లో ఓవ‌ర్ రేట్ కార‌ణంగా ఆసీస్ నాలుగు పాయింట్లు పెనాల్టీగా కోల్పోయింది. ప్ర‌స్తుతం ఆ టీమ్ ఖాతాలో 322 పాయింట్లు ఉన్నాయి. అయితే టెస్ట్ చాంపియ‌న్‌షిప్ టేబుల్లో మాత్రం ఆస్ట్రేలియా తొలి స్థానంలో ఉండ‌గా.. ఇండియా రెండో స్థానంలో ఉంది. ఇలా ఎందుకు అన్న‌ది ఇప్పుడు చూద్దాం.

మారిన రూల్స్ వ‌ల్లే


వ‌ర‌ల్డ్ టెస్ట్ చాంపియ‌న్‌షిప్ ఫైన‌ల్‌కు క్వాలిఫై అయ్యే విధానాన్ని ఐసీసీ బోర్డు మార్చింది. క్రికెట్ క‌మిటీ సిఫార‌సు మేర‌కు ఐసీసీ ఈ నిర్ణ‌యం తీసుకుంది. ఈ కొత్త రూల్ ప్ర‌కారం.. అత్య‌ధిక ప‌ర్సెంటేజ్ పాయింట్లు (పీసీటీ) ఉన్న టీమ్ టాప్‌లో ఉంటుంది. మొత్తం పోటీ ప‌డిన పాయింట్ల‌లో టీమ్ గెలిచిన పర్సెంటేజ్ పాయింట్లు ఇవి. ఆ లెక్క‌న ఆస్ట్రేలియా 420 పాయింట్ల‌కు పోటీ చేయ‌గా.. 322 పాయింట్లు సాధించింది. అదే టీమిండియా మాత్రం 540 పాయింట్ల‌కుగాను 390 పాయింట్లు ఖాతాలో వేసుకుంది. ఆ లెక్క‌న ఇండియా ప‌ర్సెంటేజ్ పాయింట్లు 72.2 శాతం కాగా.. ఆస్ట్రేలియా ప‌ర్సెంటేజ్ పాయింట్లు 76.6 శాతంగా ఉంది. దీంతో టీమిండియాను వెన‌క్కి నెట్టి ఆస్ట్రేలియా తొలి స్థానానికి వెళ్లింది.


logo