మౌమా దాస్‌కు పద్మశ్రీ

• మరో ఆరుగురు ప్లేయర్లకు అవార్డులు 
  

న్యూఢిల్లీ: క్రీడల్లో అద్భుత ప్రతిభ చాటిన వారికి తగిన గౌరవం దక్కింది. గణతంత్ర దినోత్సవాన్ని పురస్కరించుకుని కేంద్ర ప్రభుత్వం పద్మ అవార్డులను సోమవారం ప్రకటించింది. దేశం తరఫున బరిలోకి దిగి సత్తాచాటిన ఏడుగురిని పద్మశ్రీ పురస్కారాలు వరించాయి. గోల్డ్‌కోస్ట్‌(ఆస్ట్రేలియా) కామన్వెల్త్‌ గేమ్స్‌లో స్వర్ణం సహా రజతంతో మెరిసిన సీనియర్‌ టేబుల్‌ టెన్నిస్‌(టీటీ) ప్లేయర్‌ మౌమా దాస్‌..పద్మశ్రీ అవార్డును దక్కించుకుంది. టీటీలో జాతీయ, అంతర్జాతీయ స్థాయిలో అంచనాలకు మించి రాణించిన మౌమాకు ఇన్నేండ్లకు గుర్తింపు లభించింది. మౌమాతో పాటు అనిత, అన్షు జంప్సేనా, మాధవన్‌ నంబియార్‌, సుధా హరినారాయణ్‌సింగ్‌, వీరేందర్‌సింగ్‌, కేవై వెంకటేశ్‌ ఈ ఏడాది పద్మశ్రీ అవార్డుకు ఎంపికైన వారిలో ఉన్నారు. రాష్ట్రపతి రామ్‌నాథ్‌ కోవింద్‌ చేతుల మీదుగా వీరు అవార్డులు అందుకోనున్నారు.