e-Paper

Advertisement

E-Paper

Apps

Book Your Copy

Visit Telangana Today

Tuesday, October 26, 2021
Home స్పోర్ట్స్ భారత్‌ పరాజయం

భారత్‌ పరాజయం

  • సుదిర్మన్‌ కప్‌ బ్యాడ్మింటన్‌ టోర్నీ

వాంటా (ఫిన్లాండ్‌): ప్రతిష్ఠాత్మక సుదిర్మన్‌ కప్‌ ప్రపంచ మిక్స్‌డ్‌ టీమ్‌ బ్యాడ్మింటన్‌ టోర్నీలో భారత్‌కు శుభారంభం దక్కలేదు. గ్రూప్‌-‘ఎ’లో భాగంగా ఆదివారం జరిగిన పోరులో భారత్‌ 1-4తో థాయ్‌లాండ్‌ చేతిలో ఓటమి పాలైంది. పురుషుల డబుల్స్‌లో అర్జున్‌-ధ్రువ్‌ కపిల జంట 21-18, 21-17తో సుపాక్‌ జొమ్‌ఖో-కెడ్రాన్‌ జోడీపై విజయం సాధించగా.. మిగిలిన నాలుగు మ్యాచ్‌ల్లో మనవాళ్లకు పరాజయాలు ఎదురయ్యాయి.

పురుషుల సింగిల్స్‌లో మాజీ ప్రపంచ నంబర్‌వన్‌ కిడాంబి శ్రీకాంత్‌ 9-21, 19-21తో వితిద్‌సర్న్‌ చేతిలో ఓడగా.. మహిళల డబుల్స్‌లో తెలంగాణ షట్లర్‌ ఎన్‌.సిక్కిరెడ్డి-అశ్విని పొన్నప్ప జంట 21-23, 8-21తో జాంగ్‌కోల్ఫాన్‌-రివిండా ద్వయం చేతిలో పరాజయం పాలైంది. స్టార్‌ షట్లర్లు పీవీ సింధు, సైనా నెహ్వాల్‌ గైర్హాజరీలో మహిళల సింగిల్స్‌ బరిలోకి దిగిన మాళవిక 11-21, 14-21తో పొర్నపవీ చోచువాంగ్‌ చేతిలో ఓడగా.. మిక్స్‌డ్‌ డబుల్స్‌లో సాయిప్రణీత్‌-తనీషా జోడీ 13-21, 11-21తో డెచాపోల్‌-సప్సిరీ జంట చేతిలో పరాజయం పాలైంది. తదుపరి పోరులో సోమవారం డిఫెండింగ్‌ చాంపియన్‌ చైనాతో భారత్‌ తలపడనుంది.

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement