చిన్నకోడూరు, మే 12: ఆపత్కాలంలో ఆర్థిక మంత్రి తన్నీరు హరీశ్రావు అండగా నిలిచి ఓ యువకుడి ప్రాణాలు కాపాడారు. సిద్దిపేట జిల్లా చిన్నకోడూరు మండలం చౌడారానికి చెందిన ఎదగని రవికి కరోనా రావడంతో సిద్దిపేటలోని ఓ దవాఖానలో చేరాడు. అతనికి రెమ్డెసివిర్ టీకా అత్యవసరం కాగా.. సిద్దిపేటలో లభించలేదు. రవి ఆరోగ్య పరిస్థితి విషమించడంతో స్థానిక టీఆర్ఎస్ నేత భూంరెడ్డి.. మంత్రి హరీశ్రావుకు సమాచారం అందించారు. వెంటనే స్పందించిన మంత్రి.. హైదరాబాద్ నుంచి సొంత ఖర్చుతో వ్యాక్సిన్ తెప్పించి రవి ప్రాణాలు నిలబెట్టారు. కొడుకు ప్రాణాలు కాపాడిన మంత్రి హరీశ్రావు, సహకరించిన భూంరెడ్డికి రవి తండ్రి లింగం కృతజ్ఞతలు తెలిపారు.