బాక్సాఫీస్ దగ్గర ఇద్దరు హీరోలు పోటీ పడుతున్నారంటే కచ్చితంగా పోటీతత్వం అనేది ఉంటుంది. ఒకరి గురించి ఒకరు మాట్లాడటం సహజం. బరిలో ఉన్న అన్ని సినిమాలు హిట్ కావాలని కోరుకుంటారు. ఇప్పుడు నాగార్జున కూడా ఇదే చేశాడు. ఈయన నటించిన వైల్డ్ డాగ్ సినిమా ఏప్రిల్ 2న ప్రపంచ వ్యాప్తంగా విడుదల కానుంది. పూర్తిస్థాయి యాక్షన్ ఎంటర్టైనర్గా తెరకెక్కిన ఈ సినిమాను సోలమన్ రూపొందించాడు. ఇప్పటికే విడుదలైన ట్రైలర్స్, టీజర్స్ ఆసక్తి పెంచేశాయి. మరోవైపు ప్రమోషన్స్ కూడా బాగానే చేస్తున్నాడు నాగార్జున. ఇంటర్వ్యూలు ఇవ్వడంతో పాటు కొన్ని ఎంటర్టైన్మెంట్ షో లకి కూడా వస్తున్నాడు. ఇదిలా ఉంటే నాగార్జునతో పాటు కార్తి కూడా అదే రోజు వస్తున్నాడు.
ఈయనకు కూడా తెలుగులో మంచి ఫాలోయింగ్ ఉంది. కార్తి సినిమాలకు దాదాపు రూ.10 కోట్ల మార్కెట్ ఉంది. దాంతో నాగార్జున సినిమాకు కచ్చితంగా పోటీ తప్పదు. ఏ మాత్రం పాజిటివ్ టాక్ వచ్చినా కార్తి సుల్తాన్ సినిమా బాక్సాఫీస్ దగ్గర చూపించడం ఖాయం. ఇప్పుడు తమ ఇద్దరి మధ్య పోటీపై నాగార్జున కూడా స్పందించాడు. కార్తి సినిమా విజయం సాధించాలని.. ఖచ్చితంగా సుల్తాన్ సూపర్ హిట్ అవుతుంది అంటూ చెప్పాడు. తన తమ్ముడు సినిమా విజయం సాధిస్తే తాను కూడా ఆనందంగా ఉంటాను అంటున్నాడు.
ఐదేళ్ల కింద ఇద్దరూ ఊపిరి సినిమాలో కలిసి నటించారు. అందులో అద్భుతమైన నటనతో సినిమా విజయంలో కీలక పాత్ర పోషించారు నాగార్జున, కార్తి. అప్పటినుంచి ఇప్పటివరకు ఈ ఇద్దరి మధ్య అదే రిలేషన్ కొనసాగుతోంది. ఇప్పటికీ నాగార్జున ఎక్కడ కలిసిన కూడా అన్నయ్య అంటూ ఆప్యాయంగా పిలుస్తాడు కార్తి. మరోవైపు నాగార్జున కూడా ఈ తమిళ హీరోపై అదే ఆప్యాయత చూపిస్తాడు. అలాంటి ఇద్దరు హీరోలు ఇప్పుడు బాక్సాఫీస్ దగ్గర పోటీ పడుతున్నారు. అది కూడా స్నేహపూర్వక వాతావరణంలో వస్తున్నారు.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి