రంగారెడ్డి శుభారంభం

హైదరాబాద్‌, ఆట ప్రతినిధి: తెలంగాణ ఖోఖో ప్రీమియర్‌ లీగ్‌ చాంపియన్‌షిప్‌లో జైహింద్‌ రంగారెడ్డి శుభారంభం చేసింది. శనివారం జరిగిన తొలి మ్యాచ్‌లో రంగారెడ్డి 14-13తో హైదరాబాద్‌పై విజయం సాధించింది. మిగతా మ్యాచ్‌ల్లో శాతవాహన ఖమ్మం 9-7తో మహబూబ్‌నగర్‌ క్లబ్‌పై, భగత్‌సింగ్‌ ఆదిలాబాద్‌ 12-10తో నేతాజీ క్లబ్‌ ఖమ్మంపై గెలిచాయి. ప్రారంభ కార్యక్రమంలో రాష్ట్ర వ్యాయామ ఉపాధ్యాయ సంఘం అధ్యక్షుడు సోమేశ్వర్‌ రావు, కార్యదర్శి రాఘవ రెడ్డి, జాతీయ కబడ్డీ క్రీడాకారుడు మహేందర్‌ రెడ్డి, ఖోఖో సంఘం కార్యదర్శి రామకృష్ణ  పాల్గొన్నారు.