శనివారం 23 జనవరి 2021
Sports - Dec 29, 2020 , 14:53:28

మురళీధరన్‌ రికార్డు బ్రేక్‌ చేసిన అశ్విన్‌

మురళీధరన్‌ రికార్డు బ్రేక్‌ చేసిన అశ్విన్‌

మెల్‌బోర్న్‌: ఆస్ట్రేలియాతో టెస్టు సిరీస్‌లో అద్భుత ప్రదర్శన చేస్తున్న టీమ్‌ఇండియా ఆఫ్‌స్పిన్నర్‌ రవిచంద్రన్‌ అశ్విన్‌ అరుదైన ఘనత సాధించాడు. టెస్టు క్రికెట్‌లో ఎక్కువ మంది లెఫ్ట్ హ్యాండర్‌ బ్యాట్స్‌మెన్లను  ఔట్‌  చేసిన బౌలర్‌గా  అశ్విన్ నిలిచాడు.  ఈ క్రమంలోనే శ్రీలంక లెజెండ్‌ ముత్తయ్య మురళీధరన్‌ పేరిట ఉన్న ప్రత్యేక రికార్డును అధిగమించాడు.  

ఆస్ట్రేలియాతో బాక్సింగ్‌ డే టెస్టు నాలుగో రోజు ఆట ఉదయం సెషన్‌లో అశ్విన్‌ ఈ ఫీట్‌ అందుకున్నాడు.   ఆసీస్‌ బ్యాట్స్‌మన్‌ జోష్ హేజిల్‌వుడ్‌ను 10 పరుగుల వద్ద  ఔట్‌ చేయడం ద్వారా మురళీధరన్‌ను అధిగమించాడు.  అశ్విన్‌ ఔట్‌ చేసిన 192వ లెఫ్ట్‌ హ్యాండర్‌ హేజిల్‌వుడ్‌ కావడం విశేషం. 

ఇప్పటి వరకు   191 మంది ఎడమచేతివాటం ఆటగాళ్లను ఔట్‌ చేసిన రికార్డు మురళీధరన్‌ పేరిట ఉంది.  ఈ జాబితాలో ఇంగ్లాండ్‌ పేసర్‌ జేమ్స్‌ ఆండర్సన్‌(186) మూడు, ఆస్ట్రేలియా దిగ్గజాలు గ్లెన్‌ మెక్‌గ్రాత్‌(172), షేన్‌ వార్న్‌(172) నాలుగులో ఉన్నారు. భారత మాజీ కెప్టెన్ అనిల్ కుంబ్లే 167 మందిని ఔట్‌ చేసి   ఐదో స్థానంలో ఉన్నాడు.


logo