లండన్: టెన్నిస్ స్టార్ నోవాక్ జోకోవిచ్ తాజాగా వింబుల్డన్ నెగ్గి తన ఖాతాలో 20 గ్రాండ్స్లామ్ టైటిళ్లను వేసుకున్న విషయం తెలిసిందే. జోకోవిచ్పై టెన్నిస్ లెజెండ్ జాన్ మెకన్రో లేటెస్ట్గా ఓ కామెంట్ చేశారు. ఒకవేళ జోకోవిచ్ 25 గ్రాండ్స్లామ్ టైటిళ్లు గెలవకుంటే ఆశ్చర్యమే అవుతుందని మెకన్రో అన్నారు. రోజర్ ఫెదరర్, రఫేల్ నాదల్ ఖాతాల్లో కూడా 20 గ్రాండ్స్లామ్ టైటిళ్లు ఉన్న విషయం తెలిసిందే. జోకోవిచ్ ఆట తీరు మరింత పరిణితి చెందిందని మెకన్రో అన్నారు. కనీసం మరో నాలుగు లేదా అయిదు గ్రాండ్స్లామ్లు అతను గెలిచే ఛాన్సు ఉందని అన్నారు. ఈ ఏడాది ఆస్ట్రేలియన్, ఫ్రెంచ్తో పాటు వింబుల్డన్ గ్రాండ్స్లామ్ను అతను గెలిచాడు. జోకోవిచ్ చరిత్ర సృష్టించే దిశలో వెళ్తున్నాడని, తీవ్రమైన వత్తిడిని ఎదుర్కొని ముందుకు సాగుతున్నాడని మెకన్రో అన్నారు. 2013 నుంచి 2016 మధ్య జోకోవిచ్కు బోరిస్ బేకర్ కోచ్గా ఉన్నాడు. ఆ సమయంలో ఆరు టైటిళ్లను జోకో గెలిచాడు. ప్రస్తుతం వింబుల్డన్ మాజీ చాంపియన్ ఇవానిసెవిక్ ఆధ్వర్యంలో జోకో శిక్షణ జరుగుతున్నది. యూఎస్ ఓపెన్లో కూడా అతను టైటిల్ను గెలుస్తాడని ఇవానిసెవిక్ విశ్వాసం వ్యక్తం చేశాడు.