క్రికెట్‌కు రిటైర్మెంట్‌ ప్రకటించిన స్టార్‌ క్రికెటర్‌

క్రైస్ట్‌చర్చ్‌:న్యూజిలాండ్‌ ఆల్‌రౌండర్‌ కోరీ ఆండర్సన్‌ అంతర్జాతీయ క్రికెట్‌కు రిటైర్మెంట్‌ ప్రకటించాడు. 29ఏండ్ల ఆండర్సన్‌ న్యూజిలాండ్‌ క్రికెట్‌ను విడిచిపెట్టినట్లు తెలిపాడు. అమెరికాలో  మేజర్‌ లీగ్‌ క్రికెట్‌(ఎంఎల్‌సీ) టీ20తో మూడేండ్ల పాటు  అతడు ఒప్పందం చేసుకున్నాడు. అంతర్జాతీయ క్రికెట్లో  అమెరికాకు ప్రాతినిధ్యం వహించే అవకాశం ఉంది.

వన్డేల్లో అత్యంత వేగంగా సెంచరీ(36 బంతుల్లో ) చేసిన రికార్డు ఆండర్సన్‌ పేరిట ఉంది.  ఐపీఎల్‌-2014లో  ముంబై ఇండియన్స్‌కు ప్రాతినిధ్యం వహించిన ఆండర్సన్‌  రాయల్ ఛాలెంజర్స్ బెంగళూరు తరఫును   కూడా ఆడాడు.  2018లో కివీస్‌ తరఫున ఆఖరి మ్యాచ్‌ ఆడాడు.  ఎంఎల్‌సీ టీ20 లీగ్‌తో ఇప్పటికే పాకిస్థాన్‌కు చెందిన  సామీ అస్లాం, సౌతాఫ్రికాకు చెందిన డేన్‌ పైట్‌ తదితరులు ఒప్పందం చేసుకున్నారు.