పుకోస్కీ ఫిట్‌గా లేకుంటే మార్కస్‌ ఆడతాడు!

బ్రిస్బేన్‌: భారత్‌తో ఆఖరిదైన నాలుగో టెస్టులో యువ ఓపెనర్‌ విల్‌ పుకోస్కీ ఆడతాడని ఆస్ట్రేలియా ప్రధాన కోచ్‌ జస్టిన్‌ లాంగర్‌ ఆశాభావం వ్యక్తం చేశారు. పుకోస్కీ నిర్ణయాత్మక బ్రిస్బేన్‌ టెస్టుకు దూరమయ్యే అవకాశం ఉందని వార్తలు వస్తున్న నేపథ్యంలో లాంగర్‌ బుధవారం స్పందించారు. సిడ్నీ టెస్టు ఐదో రోజు ఆటలో ఫీల్డింగ్‌ సమయంలో  పుకోస్కీ డైవ్‌ చేయగా అతని భుజానికి బలమైన గాయమైంది.

'మానసికంగా అతడు ఎలాగైనా అలసిపోతాడు.  తన భుజాన్ని కదిలిస్తున్న తీరును పరిశీలిస్తాం. బ్యాటింగ్‌ చేస్తే ఫర్వాలేదు. టెస్టు క్రికెట్‌లో క్యాచ్‌లు పెద్ద విషయం కాదు. అతడు మళ్లీ బరిలోదిగుతాడని ఆశిస్తున్నాం. ఒకవేళ అతడు ఫిట్‌గా లేకపోతే మార్కస్‌ హారీస్‌ ఓపెనర్‌గా వస్తాడని' లాంగర్‌ చెప్పారు.