పిల్లల్లో దగ్గు తరచూ వస్తుంటుంది. ఏ దగ్గు వెనుక ఏ ముప్పు ఉందో తెలియక తల్లిదండ్రులు ఆందోళన చెందుతూ ఉంటారు. దగ్గు వ్యాధి కాదు. కానీ, శ్వాసవ్యవస్థలో వచ్చే సమస్యలను సూచించే ప్రధాన వ్యాధి లక్షణమిది. దగ్గు శ్వాసవ్యవస్థను పరిశుభ్రం చేస్తుంది. జీర్ణవ్యవస్థలో వివిధ
కారణాలవల్ల పేరుకుపోయిన దుమ్ము, ధూళి, శ్లేష్మాన్ని బయటికి పంపి శ్వాసక్రియ సజావుగా సాగడానికి ఉపకరిస్తుంది. దగ్గుకు కారణమైన సమస్యను గుర్తించి, పరిష్కరిస్తే చాలావరకు దానంతట అదే తగ్గిపోతుంది.
‘దగ్గు ఎన్ని రోజులుగా ఉంది’ అన్నదాన్నిబట్టి తాత్కాలికం, దీర్ఘకాలికం, తరచుగా వచ్చేదిగా వర్గీకరించవచ్చు. శ్వాసవ్యవస్థకు వైరస్, బ్యాక్టీరియా సోకినప్పుడు తాత్కాలికంగా దగ్గు ఇబ్బంది పెడుతుంది. ఇది సాధారణంగా 7 నుంచి 10 రోజుల్లో తగ్గిపోతుంది. దీర్ఘకాలంగా, తరచుగా వచ్చే దగ్గు విషయలో వ్యాధి నిర్ధారణ కోసం డాక్టర్ అవసరమైన పరీక్షలు చేయించవచ్చు. పిల్లల్లో 4 వారాలకుపైగా దగ్గు ఉన్నట్లయితే దానిని ‘దీర్ఘకాలికమని’ గుర్తించాలి. తరచుగా దగ్గు ఇబ్బంది పెడుతుంటే, దీర్ఘకాలిక వ్యాధులకు సంకేతంగా అర్థం చేసుకోవాలి.
డాక్టర్ కర్రా రమేష్రెడ్డి
పిల్లల వైద్య నిపుణులు